Toptegnologie op wêreldverhoog
Die digitale afdeling van die Duitse landbouvereniging die Deutsche Landwirtschafts-Gesellschaf se wêreldbekende tegnologieuitstalling, Agritechnica, is tans aanlyn tot einde Maart vanjaar. ’n Span internasionale kundige beoordelaars het onlangs een goue en 16 silwermedaljewenners uit 164 registrasies in Agritechnica 2022 se innovasiekompetisie aangewys.
AGRO CONTISEAL VAN CONTINENTAL AG (DUITSLAND)
AS DIE WERK MOET AANGAAN . . .
Landbouwerktuie met pap bande gedurende kritieke werktye is ’n praktiese en ekonomiese probleem vir boere. Continental AG het sy Agro ContiSeal-produk ontwikkel wat gemik is op ’n robuuster en veerkragtiger landbouband. Dit behels ’n viskose polimeer aan die binnekant van landboubande wat enige lekkasie onmiddellik verseël wanneer skerp voorwerpe, soos spykers of gewasstoppels, die loopvlak binnedring (let wel, nie die sywand nie). Die werk kan voortgaan tot die band in ’n werkwinkel ondersoek kan word. Dit skakel dus
