Wêreld se top-tegnologie
Die digitale afdeling van Deutsche Landwirtschafts-Gesellschaf, ’n Duitse landbouvereniging, se Agritechnica-uitstalling, waar die wêreld se top-landboutoerusting, -werktuie en ander tegnologie uitgestal word, is tot einde Maart aanlyn beskikbaar. ’n Span internasionale beoordelaars het onlangs een goue en 16 silwermedaljewenners in Agritechnica 2022 se innovasiekompetisie aangewys. Hou die volgende uitgawe van Landbouweekblad dop vir die res van die verstommende tegnologie.
CEMOS AUTO HEADER-BYSTANDSTELSEL VAN CLAAS (DUITSLAND)
SUPERSTROOPGEMAK
Tot nou toe moes die tafellengte en katrolposisie van die Vario-snybalke met die hand deur ’n operateur in die stroperkajuit aangepas word vir ’n optimale en egalige vloei. Om dié werklading te verminder, het Claas die CEMOS Auto Header-bystandstelsel ontwikkel wat hierdie snybalkinstellings outomaties by die heersende strooptoestande aanpas. Dit word bereik deur data van ’n lasersensor op die stroper te gebruik om die katroldiepte-instelling te beheer,
