‘Boere hunker na koöperatiewe model’
Die landbou is een van die mees dinamiese sektore in Suid-Afrika. Almal wat daarby betrokke is, verander dit, pas dit aan by ander omstandighede en beraam nuwe planne.
As ’n mens vandag kyk hoe suksesvol Sentraal-Suid Koöperasie (SSK) en sy filiale, soos die kanolaverwerker Soill en Eureka Mills, is, kan jy jou moeilik indink in die situasie van 24 jaar gelede. Toe hy in Januarie 1998 as uitvoerende hoof van SSK ingeval het, het die landbou in die Suid-Kaap baie anders gelyk, sê mnr. Erenst Pelser.
SSK het net twee handelstakke gehad, een op Swellendam en een op Heidelberg, en ’n lang droogte het dit nie maklik gemaak vir die boere nie. Kanola was nog ’n sukkelende
