TREE OP TEEN BOELIES
Die begin van ’n nuwe skooljaar is ’n baie opwindende tyd in ’n kind se lewe, maar ongelukkig nie vir almal nie. Vanjaar is daar weer dui-sende kinders wat glad nie daarna uitsien nie, want vir hulle is skool nie die veilige hawe wat dit behoort te wees nie. Inteendeel vir baie is skool hel weens afknouery (bullying).
Sosiale media het dinge ook vererger, want dit gee boelies net ’n nuwe manier en platform om hulle by te kom. Afknouery is deesdae ’n wydverspreide en wêreldwye verskynsel. Dit het die potensiaal om kinders nie net fisies te beïnvloed en af te takel nie, maar ook sielkundig.
Dit is ’n onderwerp waaroor ’n mens nooit genoeg kan praat nie, want al het baie leerders al met hul lewe
