TE VEEL RAM VIR SY RUS?
STAP ’n mens in in die sitkamer van sy ouerhuis, is dit net bokkoppe waar jy kyk. Van die muur bekyk hulle jou op ’n streep met hul blink, verstarde glasogies.
Hy’s self ook ’n ram hier tussen die bulle; ’n ram op soek na ’n ooi, of eintlik liewer ’n Rus …
En toe sý hier instap – die een wat hy graag in sy kraal wil jaag – skrik sy haar byna boeglam vir die troppie teen die muur.
Gideon Coetzee (38), jagter, IT-spesialis en deelnemer aan die VIA-maatsoekreeks , was so effens verbaas toe die Russiese komponis Alisa Chernova (27) in ’n benoude stem
