WAAR IS JY, CLEO?
AL WAT jy deur die oog van die hommeltuig sien, is kilometers en kilometers van wit duine langs die uitgestrekte oseaan. Jy moet mooi kyk om die eenvoudige staanplekkies te sien wat byna naatloos met die ongerepte landskap saamsmelt.
Die Blowholes-kampeerplek in Wes-Australië is gewild onder natuurliefhebbers. Jy kan stap of snorkel in die helder water waar walvisse speel. Maar dis nie om die natuurskoon te verewig dat die hommeltuig vandag hier sweef nie.
Die polisie hoop hul oog in die lug sal die vierjarige Cleo Smith gewaar, wat in die middel van die nag uit haar tent verdwyn het. Maar in al hierdie uitgestrektheid is daar geen spikkeltjie pienk wat op ’n meisietjie in pajamas dui nie.
Die drama wat die wêreld
