Vars produkte vir elke uithoek van Afrika
Nile. ag het sedert sy ontstaan in November duisende ton vars produkte op die platform verkoop. Hoe het julle dit gedoen?
Ons is net so verbaas daaroor! Die volumes wat ons reeds verlede Desember behaal het, is die volume waarvoor ons vir Desember vanjaar beplan het. Ons sien ook dat die platform kopers behou. As iemand dit eers begin gebruik, hou hy of sy daarmee aan en hul volumes en aantal transaksies neem toe. Ons dink die tyd was ryp en mense was gereed vir ons platform, en ons sien dit in die deelname wat ons kry.
Ons uitgangspunt is om die koek groter te maak. Dit is een ding om te sê jy maak ’n proses doeltreffender, maar dit is eintlik opwindender om oor ’n groter mark met ’n groter reikwydte te praat. Ek dink daar word reeds meer vars produkte verbruik danksy ons oplossings omdat ons vars produkte met ’n lang rakleeftyd teen ’n baie bekostigbare prys in al die plattelandse gebiede kry. As jy vars produkte op die regte tyd en teen die regte prys toeganklik maak, word daar op enige plek vragmotors vol verbruik.
Watter voordele is daar
