IN SY VOLLE GLORIE
DIS asof dié rol net vir hom geskryf het. Trouens, sê die akteur Francois Jacobs, as hy nié die rol van Karel Venter gekry het nie, sou hy gedink het daar is iets fout iewers.
Die hoofkarakter in die nuwe romantiese komedie Kaalgat Karel is Francois (32) uitgeknip, sê hy – ja, selfs al is Karel ’n kaalnaeler van formaat wat graag op openbare plekke sy klere laat waai.
“Net soos die karakter sê ek altyd ja vir ’n avontuur,” vertel die akteur vrolik. “Dit is my ding! ’n Mens lewe mos net een keer, so pak die bul by die horings, doen dit en hoop vir die beste.”
