’N BEEN OM OP TE STAAN
STEVE GREEN (45), PROSTETIS VAN KRUGERSDORP
‘EK KRY die idee dat daar baie mense is wat nie verstaan hoekom iemand ’n beroep soos dié van ’n prostetis kies nie. Gereeld vra iemand my: “Hoekom wil jy met stompies werk?”
My antwoord is altyd dieselfde: “Ek sien nie die stompies nie, ek sien die finale produk.”
Ek sien daardie geluk op iemand se gesig as hy met my handewerk weer kan loop. Daardie trane van dankbaarheid wat oor sy gesig loop as hy vir die eerste keer in jare weer op sy eie regop kan staan nadat ek vir hom ’n been gemaak en dit aangesit het.
Maar snaaks genoeg, toe ek op skool was, was dit glad nie ’n beroep wat ek
