BY MY MA GELEER
Ma’s en dogters deel (in die meeste gevalle) ’n besonderse verhouding en ma’s het ’n belangrike taak wanneer dit kom by dogters grootmaak. Jy moet vir hulle lesse leer wat hulle vir die lewe gaan voorberei, want jy gaan nie altyd daar wees om hulle te beskerm of om die regte besluite namens hulle te maak nie.
GEESGENOTE
Kuier het met ’n paar vroue gesels om te hoor wat die belangrikste lesse is wat hulle by hul ma’s geleer het en nuwe lesse wat hulle op hul beurt vir húl dogters wil leer.
Die liewe Heer het presies geweet wat hy doen toe hy haar vir haar ma gegee het, sê Anziske Kayster (48), ’n kultuurhistorikus en erfenispraktisyn van Graaff-Reinet in die Oos-Kaap. Hulle is pasmaats, geesgenote en
