HOE OM MET MIN GELD TE BEGIN HERLAAI – DEEL 3
Die dop is die enigste komponent van die patroon wat herlaaiers kan hergebruik, en hoe meer kere die dop weer gebruik word, hoe groter die besparing. Dit is dus die moeite werd om die dop mooi op te pas en sy bruikbare lewensduur te verleng.
Tydens die afvuur van ’n patroon vervorm die dop tot so ’n mate dat dit nie weer ’n nuwe koeël styf genoeg kan vashou of in die wapen se kamer pas nie. Die gevuurde dop moet dus kleiner gekrimp (hervorm) word sodat dit weer die koeël kan vashou en gemaklik in die kamer pas.
Kom ons gaan voort met die lekker deel – die herlaai of selflaai van jou eie patrone.
HERVORMING VAN DOPPE
Pers (Press) Daar is basies twee soorte perse beskikbaar: die enkelstasie (single-stage) en die progressiewe pers (progressive/multi-stage). Omdat die kop van die progressiewe pers waaraan die matryse koppel, moet kan verstel om te indeks, kan die kop speling hê. Dit kan nadelig wees vir die belyning van toerusting en komponente. Die meeste geweerskuts laai egter met ’n enkelstasie-pers.
Die verbrande residu binne gebruikte doppe en slagdoppe is baie hard en is ’n uitstekende skuurmiddel, wat die leeftyd van die pers se bewegende dele drasties kan verkort. Maak dus gereeld die pers skoon en olie die stang en bewegende dele met doodgewone 3-in-1-masjienolie.
Matrys (Resizing die) ’n Matrys is ’n vormstuk wat die dop weer na sy) en ’n dun pennetjie (die ) bestaan, se doel is tweeledig: Die druk die slagdop uit tydens die pasdrukproses en die rek weer die dopnek na die verlangde grootte om die koeël te akkommodeer.
