Marius Oosthuizen van Pretoria het onlangs sy eie patrone vir sy .270 Winchester begin laai. Hy kry bevredigende resultate, maar van sy vriende raai hom aan om vir beter resultate eerder “kompetisie”-matryse te gebruik as die “standaard”-matryse wat hy nou het. Hy vra dus die volgende:
“Is die ekstra uitgawe vir my die geld werd as ek net so nou en dan vir die lekker na ghongs op lang afstande skiet en oor vlakteafstande nie verder as 300 m-jagskote skiet nie?”
KASSIE REAGEER SOOS VOLG:
Daar is verskillende vervaardigers wat matryse, reekse en modelle vervaardig. RCBS, Redding, Hornady, Lee, Lyman, Dillon en nog ’n paar minder bekende maatskappye produ-seer “standaard”-matryse. Hulle verpak dit in keusepakkette, waarvan die volmaat-vormmatrys en koeëlplaasmatrys (seater die) as ’n basiese stel sekerlik die algemeenste samestel-ling is wat aangebied word.
VOLMAATMATRYS
Die volmaatmatrys se huls word só gemaak dat die doppie se vorm tydens die vormingsproses teruggedruk word na) wat in ’n kompetisiestel gevind word, is dit die enigste matrys wat die doppie se skouer kan terugdruk nadat ’n paar skote daarmee gevuur is en die doppie nie meer maklik en glad in die geweerkamer wil voer nie. Die volmaatmatrys is ook met ’n strekknoop toegerus om die doppie se nek tot .002” kleiner as die koeël se kaliberdeursnee te rek nadat die matrys se nekopening die doppienek toegedruk het tot ongeveer .008” na .010” nouer as die koeëldeursnee, afhangende die geweer se kaliber.