DOPVOORBEREIDING VIR KOMPETERENDE SKIET DEEL 2: NEKWAND SKIL
As iemand probeer verbeter op wat hy reeds bereik het, moet hy ’n standaard hê waar-teen hy sy eie prestasies kan meet. Ek hou vir die lesers ’n groeperingstandaard voor wat in 1995 daargestel is met ’n geweer wat vir Benchrest-skietkompetisies ontwerp is. Dit dien as voorbeeld en die afmetings wat aangetoon word, is nie naastenby vergelykbaar met dié van ’n standaardgeweer of selfs die sogenaamde varmint-gewere wat van die rak af gekoop word nie. Wanneer ’n mens die onderstaande bestudeer, sal jy waarskynlik dink dat jy nooit daardie standaard kan bereik met ’n geweer wat vanaf ’n standaardfabrieksgeweer aangepas is nie. As die voorbeeld egter kan bydra tot ’n beter begrip van die faktore wat ’n geweer se akkuraatheid beïnvloed, het ons ver gevorder met ons pogings om ons eie gewere te optimaliseer deur realistiese verwagtinge te stel.
Ons doel is egter nie om die geweer wat hier ter sprake is, te bespreek nie,
