In vorige aflewerings het ons gesels oor algemene kenmerke van doppe wanneer dopseleksie nodig is, die voorbereiding van nuwe doppe vir daardie eerste skoot en die hantering van gevuurde doppies wanneer hulle herlaai word vir kwaliteitskote. Baie herlaaiers wil egter soms effens verder gaan en soveel moontlik doen om te verseker dat hulle faktore wat skootgehalte beïnvloed, kan beheer. Om dít te doen, is dit goed om te verstaan dat die doppie die enigste komponent is waaraan die handlaaier iets kán doen, maar ook dat die gevolge van enige werk aan die doppie voorsien moet kan word. Dit is dus belangrik om voldoende inligting oor die geweer en die doppie, tesame met die dinamika van die beskikbare kruit- en slagdoppiekombinasies, in aanmerking te neem voordat jy lukraak veranderings aanbring.
Dan Hackett, ’n toonaangewende kenner in Amerikaanse herlaaikringe, het die volgende gesê: “ Wat ons hieruit kan aflei, is dat ’n herlaaier die korrekte gereedskap moet hê om verdere gespesialiseerde werk aan doppies te doen – die ou bewese uitgangspunt van die regte stukkie gereedskap vir die werk wat gedoen moet word.