Yskoue lekkernye
GRENADELLALOLLIES
LEWER 6 LOLLIES
BEREIDING: 30 MIN.
GAARMAAK: 10-15 MIN.
VRIES: OORNAG
125 ml (½ k) suiker
125 ml (½ k) suurlemoensap
250 ml (1 k) water
2 x 115 g-blikke grenadellapulp
Hou 6 ballonne, 6 sosatieof roomysstokkies, kombuistou en ’n muffinpan byderhand.
1 Verhit die suiker, suurlemoensap en water in ’n klein kastrol. Roer aanhoudend tot die suiker opgelos is.
2 Roer die grenadella deur en laat prut 5 min. Verwyder van die hitte en laat heeltemal afkoel.
3 Trek een van die ballonne oor die punt van ’n tregter – laat iemand jou help; dit is ’n taak vir twee!
Skep van die grenadellastroop in die tregter tot die ballon vol is. Haal die tregter versigtig uit. Plaas ’n sosatie- of roomysstokkie in die opening van die ballon en bind
