‘SY HET HAAR DOODGETREUR’
DIE stoep van die plaashuis in die skadu van die Soutpansberg bied vandag skrale uitkoms teen Limpopo se Bosveldhitte wat soos ’n swaar, versmorende kombers oor alles hang. Dis kompleet asof ’n genadelose son die laaste bietjie lewe uit mens, dier en plant wil suig. Die droewigheid rem swaar aan die mondhoeke en skouers van Amelia Delport hier waar sy oor die werf tuur. Haar lyftaal spreek van die smart in haar moederhart. Want die afgelope maande en weke moes die 55-jarige vrou hulpeloos toekyk hoe haar dogter tot die dood toe treur. Trouens, Amelia glo haar geliefde dogter het haar doodgetreur.
Amptelik is Denise du Toit (36) weens nierversaking oorlede. Maar by haar familie is daar geen twyfel nie dat die jong weduwee van Louis Trichardt ook weens ’n gebroke hart gesterf het.
Die ergste was om hulpeloos te moes kyk hoe my dogter dag ná dag agteruitgaan. Sy het nog gelewe, maar die dood was reeds in haar oë,” vertel Amelia.
Teen die einde was daar van haar mooi dogter net ’n dop oor. “Ek het my dogter nie meer herken nie; sy het soos ’n lewende geraamte gelyk. Ek kon net hul- peloos vir die dood wag om haar te kom haal.”
‘Die ergste was om hulpeloos te moes kyk hoe my dogter dag ná dag agteruitgaan. Sy het nog gelewe, maar die dood was reeds in
