HIGIËNE IN JOU HUIS
DIS een van die lewe se klein plesiertjies: om saans in ’n vars oorgetrekte bed in te kruip en te kan vóél hoe skoon jou beddegoed is.
Maar volgens navorsing wat onlangs in Brittanje gedoen is, ervaar heelwat mense hierdie lekkerte maar betreklik selde.
In ’n peiling onder 2 000 mense het 30% van die groep aangedui hulle was hul beddegoed net een keer per jaar. Dis nie net om van te gril nie; dit het ook ernstige gesondheidsnadele, sê kenners.
Sulke laksheid laat pestilensies soos stofmyte en skadelike mikroörganismes floreer en kan tot allerlei kwale en infeksies lei.
Kirsty Oakes, reklamehoof van Hammonds Furniture, wat die peiling laat doen het, sê die coronaviruskrisis speel dalk ’n rol: “Veral noudat baie
