Eerste en laaste olifantjag
Waarom iets, wat normaalweg nie baie snaaks sou wees nie, so snaaks word as dit in die jag-veld gebeur, kon ek nog nooit verklaar nie. Is dit omdat ons meer ontspanne raak? Wie weet, maar dat lag, veral om die bosveldvuur, deel van jag is, is vir seker.
Hierdie verhaal van agterna baie lag, het byna vyftig jaar gelede plaasgevind op ’n yskoue nag vroeg in Augustus 1971. Die gebeure speel af seker so 200km noord van Vryburg in die trustgebiede (soos dit destyds genoem is), naby die gehuggie Makgobistad...
DIE EERSTE DEEL VAN DIE STORIE
Vooraf hoor ons gerugte dat ’n groot olifantbul van die suide van Botswana af oor die Moloporivier na Suid-Afrika deurgebreek het. Die vertellinge wil dit hê dat hy amok maak so ver as wat hy gaan. Hy is kwaad, is waarskynlik deur van die jonger bulle uit die trop gestoot en toe vat hy die pad suid. Breek windpompe af, loop deur beesdrade, breek sementdamme en veroorsaak groot skade.
Die saak word deur die polisie onder Fauna en Flora (vandag Natuurbewaring) se aandag gebring. Die eerste belaglike versoek
