Adverteerders onttrek van Facebook
(Van vorige bladsy)
GROOT Facebook-adverteerders soos Coco-Cola, Microsoft en Volkswagen het besluit om ’n maand lank nie advertensies op dié sosiale netwerk te plaas nie omdat Facebook volgens kritici nie genoeg doen om teen haatspraak op te staan nie.
Advertensies is waar Facebook die grootste deel van sy geld kry, en die maatskappye hoop hul besluit sal Facebook noop om sy beleid te verander.
Wat is haatspraak?
Haatspraak is enige vorm van kommunikasie wat bedoel is om iemand seer te maak of in die gesig te vat. Dis dikwels gegrond op iets soos iemand se ras, geslag, etniese groep, seksuele oriëntasie of geloof. Met die koms van sosiale media het dit makliker geword vir mense om
