DIE LAASTEKANS-MASJIEN

NOG nooit tevore is ventilators so druk bespreek nie. Hoeveel is in die land beskikbaar? Het ons hospitale genoeg vir almal wat een sal nodig kry? Is dit al antwoord wanneer die asemnood druk, of is dit ’n laaste uitweg?

Want wanneer ’n pasiënt nie op sy eie kan asemhaal nie, word dié masjien vereis – en tydens die coronaviruspandemie is die vraag daarna groter as ooit.

Maar presies hoe werk ’n ventilator, en wat behels die proses wanneer dit ingespan word?

Huisgenoot het by mediese kenners gaan aanklop om uit te vind wanneer dié alternatief vir asemhaling benodig word en hoe dit werk.

So werk ’n ventilator

n Ventilator is ’n masjien wat vir jou asemhaal wanneer jy dit nie self kan doen nie, sê dr. Vidya Lalloo, noodmasjienspesialis