Beperk vrektes deur korrekte diagnose
Landbouweekblad het gaan aanklop by mnr. Eddie Prinsloo, eienaar van die Heuningkrans-Merinostoetery op Smithfield in die Suid-Vrystaat, en dr. Vlok Ferreira, nasionale tegniese bestuurder vir herkouers by RCL Foods, vir raad oor voerverwante skaapsiektes.
LAMSPEENSKOK
“Wanneer lammers van hul moeders gespeen word, plaas ek hulle gewoonlik by droë ooie sodat hul ma’s van hulle kan vergeet,” sê Prinsloo. “Dit gebeur dan dikwels dat die lammers speenskok kry. Ek ondervind hoe later ’n mens die lam speen, hoe minder is die skok.
“Om die lammers sover te kry om kruipvoer te begin vreet, moet jy eers die kruipvoer vir die skape en lammers om die kruipvoerbakke gooi. Só raak die lammers aan die kruipvoer gewoond en sal hulle stelselmatig by die bakke begin inkruip en begin vreet.”
Prinsloo sê as ’n boer die kruipvoerbakke net neersit, sal die ooie nie noodwendig nader kom
