OM IN MATRIEK TE WEES
DIT is een van daardie mylpaaljare wat ’n mens nooit vergeet nie: jou matriekjaar.
Dis die oorgang tussen jou kinderjare en grootmenslewe; die tyd van ’n hele klomp laastes, en ook van groet voor jy die nuwe lewensfase anderkant jou skoolloopbaan betree.
Daar is die druk van hersiening en eksamenstres, maar ook soveel vreugdes: die laaste redenaarskompetisie of eisteddfod, daardie belangrike netbal- of rugbywedstryd, die interskole en jou matriekafskeid.
En tussen alles deur die kosbare oomblikke van samesyn saam met die groepie vriende met wie jy deur jare hegte bande gesmee het. Die grappe, frustrasies, verliefdheid en onsekerheid oor die toekoms – en al die drome en dinge van ’n kind.
In die nuwe jaar sal elkeen sy eie koers inslaan, maar vir oulaas snoer skool julle saam.
Vir vanjaar se matrieks is alles egter anders. Want die matriekklas van 2020 sluit hul skooljare af in die tyd van die COVID-19-pandemie en uitgerekte inperking.
Die graadgroep het pas teruggekeer skool toe nadat hulle byna twee maande met tuisonderrig op koers moes bly, en alles is anders as voorheen. Hulle moet pal op die skoolterrein maskers dra, mag nie aan mekaar raak of naby mekaar kom nie en mag nie aan sport of ander naskoolse aktiwiteite deelneem nie.
Baie van die dinge waarna hulle uitgesien het, is weggeraap nog
You’re reading a preview, subscribe to read more.
Start your free 30 days