SO ‘PRAAT’ ONS LYWE
DAAR was nog nooit so ’n oomblik in ons geskiedenis nie. In sitkamers, winkelsentrums, sjebiens, kantore, ouetehuise, waar hulle ook al is, vergader Suid-Afrikaners voor televisieskerms. Die spanning hang soos ’n versmorende kombers oor die land. Waar blý die man? Hoekom praat hy nie met ons nie? Hy is al twee uur laat, gons dit in die sosiale media.
Dan neem pres. Cyril Ramaphosa eindelik sy plek voor die kameras in en lewer die toespraak wat ons almal se lewens drasties verander. Suid-Afrika is in ’n toestand van totale inperking oor die coronavirus. Almal behalwe noodsaaklike werkers word 21 dae lank tuis ingeperk . . .
Die president se gesig weerspieël die erns van die noodstappe wat hy een-een aankondig. Maar terwyl jy dit alles inneem, hou jou oog aan met dwaal na regs onder op die skerm. Want daar
