Apartheid: Idealiste se droom toe nagmerrie
Die skoppe reën nou weer op die lyk van apartheid ná die uitlatings deur oudpres. FW de Klerk, en Afrikaners is opnuut terug in die beskuldigdebank. Jong Afrikaners is tereg kwaad omdat hulle blameer word vir wat voor hul geboorte gebeur het, veral omdat die ANC nie verantwoordelik gehou word vir wat hy nou aanvang nie.
Hierdie jonger geslag is ’n verduideliking verskuldig oor wat in die verlede plaasgevind het, en hoekom hul voorouers ’n beleid ingestel en so lank ondersteun het wat vandag moreel tereggestel is. Hulle is immers aan die ontvangkant van rasgegronde regeringsbeleid.
Verduidelik is nie verdedig nie, want sonder ewewigtige ontledings van die verlede gaan die apartheidsgeskiedenis net met skuld en skaamte, of deur blinde ontkenning, bejeën word.
George Orwell het immers gesê dat elke geslag dink hy is slimmer as die vorige en
