LEER JOUSELF BLYDSKAP — HIER’S HOE

D ie lewe het hom nog altyd net goed behandel, sê Johannes de Villiers waar ons op Häzz, die Stellenbosse koffiewinkel waarvoor hy ’n ambassadeur is, se stoep sit en gesels.

Hy kom uit ’n middelklasgesin met genoeg geld en het ’n goeie opvoeding en suksesvolle loopbaan, maar dit het hom nie gekeer om “heeltyd beneuk en kwaad te wees vir die hele wêreld nie” – veral in sy twintigerjare.

“My probleem was nie dat ek iets in my lewe gemis het nie. My probleem was dat ek nooit stilgestaan en myself bewus gemaak het van wat in my lewe rég is nie,” vertel dié joernalis, jogi en skrywer van die boek Blydskap – Mindfulness-wenke vir ’n vreugdevolle lewe.

Hy het blydskap begin navors en reg oor die wêreld gereis om met mense te gesels wat na sy mening ’n gelukkige lewe lei. Wat ons by die voor die hand liggende vraag bring: Kan ’n mens werklik blydskap aanleer?

Johannes het gevind mense het ’n “gekondisioneerde pessimismevoordeel”.

“Pessimisme is half in onsgaan optel en dit oor en oor doen. As jy wil dankbaar wees, moet jy oor en oor goetertjies inoefen.”