AITSA, DIS MOS aartappels!

AARTAPPELKROKETTE

Genoeg vir 4

BESTANDDELE

Aartappelballetjies

1 eiergeel
2 eetlepels botter
1 knoffeltoontjie, gekneus en fyngekap
Sout en varsgemaalde swartpeper
’n Knippie neutmuskaat (nutmeg), gerasper
1 ⅔ koppies mashed potatoes
½ koppie fetakaas, in ewe groot blokkies gesny
’n Handvol jong spinasieblare

Krummellaag

½ koppie koekmeel
2 eiers, liggies geklits
2 koppies vars broodkrummels
Sout en varsgemaalde swartpeper
Olie vir diepbraai

METODE

Meng die eiergeel saam met die botter, knoffel, sout, peper, neutmuskaat en mashed potatoes. Vorm balletjies so groot soos ’n tafeltennisballetjie. Rol ’n fetakaasblokkie in ’n spinasieblaartjie en druk dit in die balletjie in. Maak die gaatjie toe en maak die balletjie glad. Rol elke balletjie in die koekmeel en doop dit dan in die eier voordat jy dit in die broodkrummels, wat met sout en peper gegeur is, rol sodat dit heeltemal bedek is. Pak die krokette ’n entjie van mekaar af op ’n bakplaat wat met bakpapier gevoer