’N TROUE VIR VIER
JY KYK weer ’n keer, want jy wilwil dink jou oë bedrieg jou: Voor in die kerk staan twéé bruidegomme pleks van een. Die manne lyk op ’n druppel na mekaar en dra eenderse duifgrys pakke.
Maar die verbasing duur net ’n halwe sekonde – dit is immers tweelingbroers wat op hul bruide wag.
En nie eens die bloedige Bolandse hitte buite demp die stralende Clement en Clint Petersen (32) se opgewondenheid oor hulle binnekort saam ewige trou gaan beloof nie. Dat hul bruide boonop susters is, verdubbel as’t ware die vreugde van vandag se bruilof, ook vir die sowat 100 gaste hier.
Kort-kort sien jy hoe een broer sy hande inmekaarwring en die ander een aan sy das torring, maar so af en toe fluister hulle vir
