Hoe Francis Visagie vertikaal uitbrei
Hy is al as bewaringsboer en megaboer vereer, maar mnr. Francis Visagie van die plaas Uitkyk naby Kenhardt wil eerder as ’n kampvegter vir die Dorperras bekend staan.
Dié Noord-Kaapse Boer van die Jaar bedryf ’n eenstop-slaglamboerdery met embrioproduksie waarmee hy die angel uit die droogte haal deur buitelandse valuta te verdien.
Visagie het in 1980 op 7 000 ha met 750 stuks kleinvee begin boer. Vandag, 40 jaar later, boer hy op aansienlik meer eie en huurgrond met ’n kudde van duisende Dorpers.
“Dit is nie maklik om jou boerdery in die ekstensiewe toestande van die Boesmanland te diversifiseer nie, want dit is ver van die mark af en die wisselvallige klimaat lê jou besluite aan bande.”
Sy gerekende Dorperstoetery is die voedingsbron vir die grootste, geregistreerde kommersiële Dorperboerdery in Suid-Afrika wat slaglammers produseer – dit verteenwoordig sowat 86% van sy omset. Daarby plaas die uitvoer van embrio’s hom in ’n ander liga. Die Visagies bedryf hul eie kwarantynstasie met uitvoerstatus
You’re reading a preview, subscribe to read more.
Start your free 30 days