LOS UIT ONS DORPIES!
Beste Johann en Irma Coetzee van Henley-on-Klip. Ek is seker julle is hoogs in julle noppies dat julle brief aan die redakteurs in die jongste Platteland geplaas is. Dis ’n groot prestasie, en ek is regtig jammer dat julle so dikwels tot trane gedryf is. Hopelik het julle genoeg snesies in die kar gehad.
Ek is ’n oud-Johannesburger en nou trotse Richmond-inkommer, en my ouers woon in die DA-beheerde Midvaal-munisipaliteit. Daarom ken ek julle kwasi-Engelseplattelanddorpie goed. Vergeleke met waar julle woon, moet die Karoo en sy dorpies ’n taamlike skok wees: Geen gemanikuurde groen sypaadjies nie, geen fraai huise met gesinne wat geld maak soos bossies nie, en, behoede ons, ’n township met HOP-huise.
Julle sien, buiten dat ons midde-in een van die ergste droogtes in menseheugenis is, het die meeste van ons dorpe se munisipaliteite ineengestort weens korrupsie en wanbestuur. Dit het egter nie in die pad gestaan van soveel aktiewe inwonersverenigings wat nou – uit hulle eie sak – dinge doen soos slaggate regmaak en padborde verf nie. Julle is gelukkig, want in julle “deftige” buurt word
