Maak geld met JOU REKENAAR
Jy wil ekstra geld maak, maar weet nie hoe nie. Ons het ’n paar idees bymekaargekry wat kan help.
Aanlyn meningopnames
Verskeie maatskappye bied meningsopnames op die internet aan. Kort, eenvoudige opnames gaan jou nou nie ryk maak nie, maar dis ’n lekker manier om ’n paar rand te maak terwyl jy in jou pajamas voor die rekenaar sit. Webwerwe soos hierdie stel mense van oor die wêreld aan om aan duisende verskillende meningsopnames deel te neem. Vergoeding neem die vorm aan geskenkbewyse of kontant aan. Die meeste webwerwe betaal ’n paar rand vir ’n paar minute se werk, maar hoe langer die meningspeiling en hoe meer dinkwerk dit verg, hoe meer word jy betaal. Daar is honderde webwerwe wat sulke meningspeilings aanbied. Loer gerus na dié drie (al drie is oop vir Suid-Afrikaners): Mystery Shopper, MOBROG, SurveySavvy.
