MAAK SO MET MOEILIKE MENSE
Baie van ons worstel met moeilike mense wat ons geduld rasper met kortaf antwoorde, hul opvlieëndheid, bytende kommentaar ... Jy kan wye draaie om hulle stap, maar as dit jou familie, eks of kollega is, gaan jy baat vind daarby om maniere te kry om hulle beter te verstaan en dalk met empatie te behandel. Boonop bepaal sosiale vaardighede dikwels jou vordering in ’n beroep. Jy het dalk die beste kwalifikasies, maar as jy sukkel om met mense te werk, gaan dit jou sukses kniehalter.
Moeilike mense kom in alle gedaantes en trappe van vergelyking voor. ’n Kollega kan jou boom uitklits met ’n aanmerking soos “Sjoe, jy dra vandag darem baie helder
