Kruispaaie
KLEI is kreatief
“EK HET MEER BALLS AS BREIN,” spot Mervyn Gers, pottebakker van Mervyn Gers Ceramics in Paardeneiland. “Die pottebakkersbedryf is vol slaggate en jy trap in die meeste van hulle.”
Klei en porselein het hom van kindsbeen af getrek. “Ek was nog altyd gefassineer deur keramiek en het van jongs af Art Deco-stukke en selfs Victoriaanse breekgoed versamel.”
Hy het in sy jong dae vir ’n tydjie saans pottebakkersklasse geneem, maar die meeste van sy kleikuns het gekom deur leer en probeer. En foute maak. Vandag maak hulle hul eie klei en glasuur.
Mervyn se beroep het ’n paar wye Kaapse draaie gemaak voor hy ’n holte vir sy voet in pottebakkery gekry het. Hy het ná skool kommunikasiekunde
