Die singende alleenloper
DIS Oujaar. Die feeskomitee wil niemand anders as hul eie Fanus hê vir die verrigtinge om Nuwejaar mee af te skop nie. As voltydse sanger is Fanus wyd bekend in die kontrei. Aan die begin van sy loopbaan moes hy dikwels tevrede wees met sjokolade as betaling in venues waar niemand anders wou optree nie, maar deesdae is die bordjies verhang.
Ten spyte van sy gewildheid en dat sy stem meisies laat swymel, bly sy voete vas op moederaarde. Hy is steeds net Fanus wat hier op Goedepoort grootgeword het.
Sy pa het aanvanklik kopskuddend blou rookdampe uit sy pyp die lug sit en inblaas om sy onvergenoegdheid te kenne te gee, glad nie beïndruk deur, volgens hom, sy seun se gebrek aan ambisie nie. Sy seun moes kom boer.
“Hoe gaan jy jouself aan die lewe hou met ’n singery? Dit neem baie jare voor sangers hul merk
