DIE BORDJIES VERHANG
SY WAS nog ’n naïewe jong aktrise van Suid-Afrika wat haar voete in Hollywood probeer vind het toe ’n beroemde regisseur haar gevra het om ’n oudisie by sy huis af te lê.
Met haar aankoms by sy groot huis het sy hom in sy nagklere aangetref. En toe hy aan haar been vat, het sy nie ’n oomblik getwyfel oor wat hy van die ontmoeting verwag het nie.
Charlize Theron het verskoning gemaak en geloop, en agterna in haar motor gaan sit en wonder hoe sake so lelik skeefgeloop het.
