SKOOT OP SKOOT IN DIE MOOT

EENMAAL, nie so lank gelede nie, was Môregloed net so ’n rustige, vreedsame buurt soos wat die naam beloof.

Maar dit was voor ’n naamlose skieter losgetrek en die gekletter van glas wat aan skerwe spat, die gedawer van ysterballetjies op sinkdakke en die gille van verskrikte inwoners die stilte wreed kom versteur het.

“Ons noem hom die skieter van Môregloed – ’n ongure karakter wat op ongereelde tye ’n kettie gebruik om ysterballetjies op die huise te laat neerreën. Dan sneuwel glasruite, potplanthouers en sinkdakke. Die arme honde hardloop verwilderd die strate in,” sê André le Roux, ’n pastoor van dié boomryke buurt in die Pretoriase Moot.

Dié kwajong se streke sorg vir sonde met die bure op sy ergste – behalwe