യോഹന്നാൻ സുവിശേഷത്തിലെ പ്രഭാഷണങ്ങൾ (II) - തന്‍റെ ഏകജാതനായ പുത്രന്‍ യേശുവിലൂടെ വെളിപ്പെടുത്തിയ ദൈവത്തിന്‍റെ സ്നേഹം (II) [The Love of God Revealed through Jesus, The Only Begotten Son (II)]

By Paul C. Jong

"ദൈവത്തെ ആരും ഒരു നാളും കണ്ടിട്ടില്ല. പിതാവിന്‍റെ മടിയില്‍ ഇരിക്കുന്ന ഏകജാതനായ പുത്രന്‍ അവനെ വെളിപ്പെടുത്തിയിരി ക്കുന്നു" (യോഹന്നാൻ 1:18) എന്ന് എഴുതിയിരിക്കുന്നു.
എത്ര സമ്പൂര്‍ണ്ണമായിട്ടാണ് നമ്മോടുള്ള ദൈവസ്നേഹം യേശു വെളിപ്പെടുത്തിയത്! എത്ര സമ്പൂര്‍ണ്ണമായി യേശു നമ്മെ വിടുവിച്ചിരിക്കുന്നു! എത്ര സമ്പൂര്‍ണ്ണമായ രക്ഷാസത്യമാണ് വെള്ളത്തിന്‍റെയും ആത്മാവിന്‍റെ യും സുവിശേഷം! ജലത്താലും രക്തത്താലും വന്ന യേശുവിലൂടെ നമ്മുടെ രക്ഷ നേടുന്നതിന് നാം ഒരിക്കലും പ്രയാസപ്പെട്ടിട്ടില്ല (1 യോഹന്നാൻ 5:6)
ദൈവസ്നേഹം വെളിപ്പെടു ത്തിയ യേശുക്രിസ്തുവിൽ നിങ്ങൾ എല്ലാവരും വിശ്വസിക്കുന്നുവെന്നും അവന്‍റെ സ്നേഹത്തിലുള്ള വിശ്വാസം നിങ്ങളുടെ ഹൃദയങ്ങളി ൽ സൂക്ഷിക്കണമെന്നും ആ സ്നേഹം പ്രചരിപ്പിക്കുന്നതിനായി ദിവസേന ജീവിക്കുമെന്നും ഞാൻ പ്രതീക്ഷിക്കുന്നു. വെള്ളത്തിന്‍റെയും ആത്മാവിന്‍റെയും സുവിശേഷത്തി ലൂടെ ദൈവവുമായി കണ്ടുമുട്ടുന്ന തിലൂടെ പാപമോചനത്തിന്‍റെ അനുഗ്രഹം നിങ്ങൾ നേടുമെന്ന് ഞാൻ പ്രതീക്ഷിക്കുന്നു.

• Language: मलयालम
• Publisher: Paul C. Jong
• Release date: Aug 21, 2023
• ISBN: 9788928232352

Book preview

paul_Mala01_coverFrontflap_Mala191st_page

യോഹന്നാൻ സുവിശേഷത്തിലെ പ്രഭാഷണങ്ങൾ (II)

തന്‍റെ ഏകജാതനായ പുത്രന്‍ യേശുവിലൂടെ വെളിപ്പെടുത്തിയ ദൈവത്തിന്‍റെ സ്നേഹം (II)

Smashwords Edition

Copyright 2022 by Hephzibah Publishing House

എല്ലാ അവകാശങ്ങളും നിക്ഷിപ്തം. ഈ പുസ്തകത്തിന്‍റെ ഒരു ഭാഗവും പകർപ്പവകാശ ഉടമയുടെ രേഖാമൂലമുള്ള അനുമതിയില്ലാതെ, ഫോട്ടോകോപ്പി ഉൾപ്പെടെ, റെക്കോർഡിംഗ് അല്ലെങ്കിൽ ഏതെങ്കിലും വിവര സംഭരണം, വീണ്ടെടുക്കൽ സംവിധാനം എന്നിവയുൾപ്പെടെ ഇലക്ട്രോണിക് അല്ലെങ്കിൽ യന്ത്രസഹായം വഴി ഏതെങ്കിലും രൂപത്തിൽ പുനർനിർമ്മിക്കുകയോ കൈമാറുകയോ ചെയ്യരുത്.

തിരുവെഴുത്തുകളുടെ ഉദ്ധരണികൾ ഒ.വി.(മലയാളം) ദി ബൈബിൾ സൊസൈറ്റി ഓഫ് ഇന്ത്യ യിൽ നിന്നുള്ളതാണ്.

ISBN 978-89-282-3235-2

Cover Art by Min-soo Kim

Illustration by Young-ae Kim

Printed in Korea

Hephzibah Publishing House

A Ministry of THE NEW LIFE MISSION

Seoul, Korea

ഉള്ളടക്ക പട്ടിക

ആമുഖം

അദ്ധ്യായം 3

• വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചുകൊണ്ട് നാം വീണ്ടും ജനിക്കണം (യോഹന്നാൻ 3:1-15)

• ലോകത്തിന്‍റെ പാപങ്ങളിൽ നിന്ന് നമ്മെ രക്ഷിക്കാനാണ് നമ്മുടെ കർത്താവ് ഈ ലോകത്തിലേക്ക് വന്നത് (യോഹന്നാൻ 3:14-21)

• ദൈവമുമ്പാകെ നാം എന്തിൽ വിശ്വസിക്കണം? (യോഹന്നാൻ 3:21)

• നമുക്ക് യഥാർത്ഥ നിത്യജീവൻ നൽകിയ കർത്താവാണ് നമ്മുടെ ദൈവം (യോഹന്നാൻ 3:35-36)

അദ്ധ്യായം 4

• നമ്മുടെ സകല പ്രശ്നങ്ങളും പരിഹരിക്കുന്ന കർത്താവ് (യോഹന്നാൻ 4:3-19)

• എന്തിലാണ് നമ്മുടെ ഹൃദയങ്ങൾ സംതൃപ്തി കണ്ടെത്തുന്നത്? (യോഹന്നാൻ 4:10-24)

• ഒരുവനെ ഒരിക്കലും ദാഹത്തിലേക്ക് നയിക്കാത്ത ജീവജലം (യോഹന്നാൻ 4:13-26, യോഹന്നാൻ 4:39-42)

• നമ്മുടെ ആത്മീയ ഉണർവിന് എന്ത് തരത്തിലുള്ള വിശ്വാസമാണ് നമുക്ക് വേണ്ടത്? (യോഹന്നാൻ 4:19-26)

• യേശുവിന്‍റെ വചനം ദൈവവചനമാണ് (യോഹന്നാൻ 4:46-54)

അദ്ധ്യായം 5

• നാം ഒരിക്കലും യഹൂദമതത്തിലേക്ക് മടങ്ങരുത് (യോഹന്നാൻ 5:10-29)

• കർത്താവ് ബെഥെസ്ദാ കുളം സന്ദർശിക്കുന്നു (യോഹന്നാൻ 5:1-9)

അദ്ധ്യായം 6

• നിത്യജീവങ്കലേക്ക് നിലനിൽക്കുന്ന ആഹാരത്തിനായിട്ടു തന്നേ പ്രവർത്തിപ്പിൻ (യോഹന്നാൻ 6:16-40)

0preface

ആമുഖം

യേശുവിന്‍റെ ശിഷ്യന്മാർ പറഞ്ഞു, ഓ, അവൻ എന്താണ് ഉദ്ദേശിക്കുന്നത്? ഇതു വളരെ കഠിനമാണ്. അവന്‍റെ വാക്കുകൾ ഗ്രഹിക്കാൻ ആർക്കു കഴിയും?, ഞാൻ കൊടുപ്പാനിരിക്കുന്ന അപ്പമോ ലോകത്തിന്‍റെ ജീവനു വേണ്ടി ഞാൻ കൊടുക്കുന്ന എന്‍റെ മാംസം ആകുന്നു. (യോഹന്നാൻ 6:51) എന്ന് കർത്താവ് തന്നെ ജീവന്‍റെ അപ്പമായി പറഞ്ഞതായിരുന്നു ഇതിന് കാരണം. വീണ്ടും അവൻ പറഞ്ഞു, നിങ്ങൾ മനുഷ്യപുത്രന്‍റെ മാംസം തിന്നാതെയും അവന്‍റെ രക്തം കുടിക്കാതെയും ഇരുന്നാൽ നിങ്ങൾക്കു ഉള്ളിൽ ജീവൻ ഇല്ല. എന്‍റെ മാംസം തിന്നുകയും എന്‍റെ രക്തം കുടിക്കയും ചെയ്യുന്നവന് നിത്യജീവൻ ഉണ്ട്; ഞാൻ ഒടുക്കത്തെ നാളിൽ അവനെ ഉയിർത്തെഴുന്നേല്പിക്കും. എന്‍റെ മാംസം സാക്ഷാൽ ഭക്ഷണവും എന്‍റെ രക്തം സാക്ഷാൽ പാനീയവും ആകുന്നു. (യോഹന്നാൻ 6:53-55). അവൻ ഉപസംഹരിച്ചു, എന്‍റെ മാംസം തിന്നുകയും എന്‍റെ രക്തം കുടിക്കുകയും ചെയ്യുന്നവൻ എന്നിലും ഞാൻ അവനിലും വസിക്കുന്നു (യോഹന്നാൻ 6:56).

വെള്ളത്തിന്‍റെയും ആത്മാവിന്‍റെയും സുവിശേഷ ത്തിൽ വിശ്വസിക്കുന്ന വിശ്വാസത്തോടെ നമുക്ക് കർത്താവിന്‍റെ മാംസം ഭക്ഷിക്കാനും അവന്‍റെ രക്തം കുടിക്കാനും കഴിയുമെന്ന് നാം ഇവിടെ കാണുന്നു. കർത്താവിന്‍റെ മാംസം ഭക്ഷിക്കുമ്പോൾ നാം പാപരഹിതരാണെന്ന് നാം മനസ്സിലാക്കുന്നു. വിശ്വാസ ത്തോടെ കർത്താവിന്‍റെ മാംസം ഭക്ഷിച്ചാൽ നിങ്ങൾ പാപരഹിതരാകും. എന്‍റെ സഹവിശ്വാസികളേ, യോർദ്ദാൻ നദിയിൽ യോഹന്നാൻ സ്നാപകനിൽ നിന്ന് സ്നാനം സ്വീകരിച്ച യേശു നമ്മുടെ എല്ലാ പാപങ്ങളും മോചിപ്പിച്ചു എന്ന വിശ്വാസത്താൽ നിങ്ങൾ കർത്താവിന്‍റെ മാംസം ഭക്ഷിച്ചാൽ, നമുക്ക് പാപമോചനത്തിന്‍റെ കൃപ ലഭിക്കും. കർത്താവ് തന്‍റെ ജഡത്താൽ ചെയ്ത പ്രവൃത്തി വിശ്വാസത്താൽ നാം ഭക്ഷിച്ചാൽ നാം പാപരഹിതരാകും. എന്നാൽ, വിശ്വാസത്താൽ യേശുവിന്‍റെ മാംസം ഭക്ഷിക്കാത്ത ആളുകളുടെ കാര്യമോ? അവർ എത്രമാത്രം ഭ്രാന്തമായി അവനിൽ വിശ്വസിച്ചാലും അവർ പാപികളായി തുടരുന്നു. ആത്മീയ വിശ്വാസത്തോടെ കർത്താവിന്‍റെ മാംസം ഭക്ഷിക്കുന്നവർ പാപരഹിതരായി മാറുന്നു.

നമ്മളെ ക്ഷണിക്കുന്നിടത്ത് സ്വാദിഷ്ടമായ ഭക്ഷണങ്ങൾ ഒരുക്കിയിട്ടുണ്ടെന്ന് പറയാം. എത്ര വിഭവസമൃദ്ധമായ സദ്യകൾ ഉണ്ടായാലും അത് കഴിച്ചില്ലെങ്കിൽ എനിക്ക് ഒരിക്കലും വയറ് നിറയ്ക്കാൻ കഴിയില്ല. അതുപോലെ, നമ്മുടെ കർത്താവ് നമ്മെ പാപരഹിതരാക്കി, ലോകത്തിന്‍റെ പാപങ്ങൾ ഏറ്റെടുത്ത്, അവന്‍റെ ശരീരത്തിൽ സ്നാനം സ്വീകരിച്ച്, മനസ്സുകൊണ്ട് വിശ്വസിച്ച് ഭക്ഷണം കഴിക്കുമ്പോൾ മാത്രമേ നമുക്ക് യഥാർത്ഥ പാപമോചനം ലഭിക്കുകയുള്ളൂ. മറ്റൊരു തരത്തിൽ പറഞ്ഞാൽ, ‘യേശു സ്നാനം സ്വീകരിച്ച് നമ്മുടെ പാപങ്ങൾ മായ്ച്ചു കളഞ്ഞു’ എന്ന വിശ്വാസത്തോടെ കർത്താവിന്‍റെ മാംസം ഭക്ഷിക്കുമ്പോൾ മാത്രമേ നമ്മുടെ പാപങ്ങൾ മാഞ്ഞുപോകുകയുള്ളൂ.

വെള്ളത്തിന്‍റെയും ആത്മാവിന്‍റെയും സുവിശേഷ ത്തിൽ വിശ്വസിക്കുന്ന വിശ്വാസത്തോടെ നാം പലപ്പോഴും കർത്താവിന്‍റെ മാംസം ഭക്ഷിക്കേണ്ടതുണ്ട്. അപ്പോൾ മാത്രമേ നമ്മുടെ ആത്മീയ വയർ നിറയുകയുള്ളൂ. കർത്താവിന്‍റെ രക്തം അതിന്‍റെ ആത്മീയ അർത്ഥത്തിൽ വിശ്വസിച്ച് കുടിക്കുമ്പോൾ നമുക്ക് മനസ്സമാധാനം ലഭിക്കുന്നു. ആളുകൾ ഈ വാക്കുകളെ തെറ്റിദ്ധരിക്കാനുള്ള സാധ്യതയുണ്ട്, എന്നാൽ ഈ രൂപകങ്ങളെല്ലാം ആത്മീയ വിശ്വാസത്തെ യാണ് സൂചിപ്പിക്കുന്നത്. കർത്താവ് നമുക്ക് നൽകിയ വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിക്കുമ്പോൾ മാത്രമേ നമുക്ക് കർത്താവിന്‍റെ മാംസം ഭക്ഷിക്കാനും അവന്‍റെ രക്തം കുടിക്കാനും കഴിയൂ. ഈ സുവിശേഷത്തിൽ വിശ്വസിക്കുന്നതിലൂടെ, വെള്ളത്തിന്‍റെയും ആത്മാവിന്‍റെയും സുവിശേഷം നിറവേറ്റാൻ കർത്താവ് തന്‍റെ ജീവൻ നമുക്ക് നൽകി എന്ന സത്യം നമുക്ക് ഭക്ഷിക്കാം എന്നാണ് ഞാൻ ഉദ്ദേശിക്കുന്നത്.

വെള്ളത്തിന്‍റെയും ആത്മാവിന്‍റെയും സുവിശേഷം അറിഞ്ഞിട്ടും അത് ഭക്ഷിക്കാത്ത ചില അവിശ്വാസികൾ നിങ്ങളുടെ ഇടയിൽ ഉണ്ടോ എന്ന് ആശ്ചര്യപ്പെട്ടു കൊണ്ടാണ് ഞാൻ നിങ്ങളോട് ഒരിക്കൽ കൂടി സംസാരിക്കുന്നത്. നിങ്ങൾ ഈ വിഭാഗത്തിലാണെങ്കിൽ, വെള്ളത്തിന്‍റെയും ആത്മാവിന്‍റെയും സുവിശേഷം തയ്യാറാക്കുമ്പോൾ ഒരു മടിയും കൂടാതെ വിശ്വാസത്തോടെ ഭക്ഷിക്കണമെന്ന് ഞാൻ നിങ്ങളെ ഉപദേശിക്കുന്നു. നിങ്ങൾ ഒരു തണുത്ത പാനീയം ആസ്വദിക്കുന്നതു പോലെ നിങ്ങൾ അവന്‍റെ രക്തം കുടിക്കണമെന്നും യേശുവിന്‍റെ മാംസം ആത്മീയ ഭക്ഷണമായി കഴിക്കണമെന്നും ഞാൻ ആഗ്രഹിക്കുന്നു. കർത്താവ് നമ്മുടെ പാപങ്ങളെ സ്നാനം മുഖേന തന്‍റെ ശരീരത്തിൽ ഏറ്റുവാങ്ങി കുരിശിൽ തന്‍റെ രക്തം ചൊരിഞ്ഞു തുടച്ചുനീക്കി എന്നറിഞ്ഞുകൊണ്ട് നിങ്ങൾ നിത്യജീവൻ തിന്നും കുടിച്ചും ആസ്വദിക്കണമെന്ന് ഞാൻ ആഗ്രഹിക്കുന്നു. വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചുകൊണ്ട് കർത്താവിന്‍റെ മാംസം ഭക്ഷിക്കാനും അവന്‍റെ രക്തം പാനം ചെയ്യാനും നമ്മൾ തിരഞ്ഞെടുക്കപ്പെട്ടിരിക്കുന്നു എന്ന ഉറപ്പ് നിങ്ങൾക്ക് ലഭിക്കണമെന്ന് ഞാൻ ആഗ്രഹിക്കുന്നു.

തന്‍റെ മാംസം ഭക്ഷിക്കാനും തന്‍റെ രക്തം കുടിക്കാനും യേശു ശിഷ്യന്മാരോട് പറഞ്ഞു. തന്‍റെ മാംസം ജീവന്‍റെ അപ്പമായി ഭക്ഷിക്കണമെന്ന് യേശു പറഞ്ഞപ്പോൾ ആളുകൾ അത് വളരെ പ്രയാസകരമായി കണക്കാക്കി. ആർക്കാണ് ഈ വചനങ്ങൾ ഗ്രഹിക്കാൻ കഴിയുക? എന്ന് അവർ വളരെ വിഷമിച്ചു. അതുപോലെ, ഇന്നത്തെ കാലത്ത് മിക്കവാറും എല്ലാ ക്രിസ്ത്യാനികളും തങ്ങളുടെ ആത്മീയ അജ്ഞത നിമിത്തം തിരുവെഴുത്തു കളുടെ ഈ ഭാഗത്തിൽ അസ്വസ്ഥരാണ്.

അതിനാൽ, നമ്മുടെ കർത്താവ് പറഞ്ഞു, "മനുഷ്യപുത്രൻ മുമ്പെ ഇരുന്നേടത്തേക്കു കയറി പ്പോകുന്നതു നിങ്ങൾ കണ്ടാലോ? ജീവിപ്പിക്കുന്നത് ആത്മാവ് ആകുന്നു; മാംസം ഒന്നിന്നും ഉപകരിക്കുന്നില്ല; ഞാൻ നിങ്ങളോടു സംസാരിച്ച വചനങ്ങൾ ആത്മാവും ജീവനും ആകുന്നു." (യോഹന്നാൻ 6:62-63). ഈ ഭാഗത്തിന്‍റെ അർത്ഥം, നിങ്ങൾ എന്‍റെ വചനം ആത്മീയമായി കേൾക്കണം. ലോകത്തിന്‍റെ പാപങ്ങളിൽ നിന്ന് നിങ്ങളുടെ ആത്മാക്കളെ രക്ഷിക്കാൻ ഞാൻ നിങ്ങളുടെ എല്ലാ പാപങ്ങളും യോർദ്ദാൻ നദിയിൽ ഏറ്റെടുത്തു. മനുഷ്യപുത്രനായ ഞാൻ, സ്നാപക യോഹന്നാനിൽ നിന്ന് സ്വീകരിച്ച സ്നാനത്താൽ നിങ്ങളുടെ സകല പാപങ്ങളും ഏറ്റെടുത്തു. നിനക്കു പകരം ഞാൻ മരിക്കുന്നു; നിനക്കു വേണ്ടി ഞാൻ എന്‍റെ ജീവൻ നൽകും. ഞാൻ മരിച്ച് 3 ദിവസത്തിനുള്ളിൽ മുമ്പുണ്ടായിരുന്ന എന്‍റെ സിംഹാസനത്തിലേക്ക് മടങ്ങിപ്പോയാൽ നിങ്ങൾ എന്ത് പറയും? എന്നാണ്. എങ്കിലും, യേശു കർത്താവിന്‍റെ പുത്രനാണെന്നോ അവൻ കർത്താവാണെന്നോ വിശ്വസിക്കാത്ത അനേകം ശിഷ്യന്മാർ യേശുവിന്‍റെ ശിഷ്യന്മാരിൽ ഉണ്ടായിരുന്നു. വിശ്വാസത്താൽ യേശുവിന്‍റെ മാംസം ഭക്ഷിക്കുന്ന ആളുകൾ ഭാഗ്യവാന്മാർ.

ഈ നിമിഷം വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചുകൊണ്ട് നിങ്ങൾ കർത്താവിന്‍റെ മാംസം ഭക്ഷിക്കുകയും അവന്‍റെ രക്തം കുടിക്കുകയും ചെയ്യുകയാണോ? ദിവസവും അവന്‍റെ അനുഗ്രഹങ്ങൾ ഭക്ഷിക്കുകയും കുടിക്കുകയും ചെയ്യുക. നിങ്ങൾ ദിവസവും ജഡത്തിനുവേണ്ടിയുള്ള ഭക്ഷണം കഴിക്കുന്നതുപോലെ, വിശ്വാസത്താൽ ആത്മീയ ഭക്ഷണം കഴിക്കുക. നിങ്ങൾ ഒരു പ്രാവശ്യം മാത്രം ആത്മീയ ഭക്ഷണം കഴിക്കുകയാണെങ്കിൽ, മൂന്ന് ദിവസത്തിനുള്ളിൽ നിങ്ങൾക്ക് കൂടുതൽ ആത്മീയ വിശപ്പുണ്ടാകും. അതിനുശേഷം, നിങ്ങൾ അവ വീണ്ടും കഴിക്കണം. എന്‍റെ സഹവിശ്വാസികളേ, നിങ്ങൾക്ക് കഴിയുന്നത്ര തവണ നിങ്ങൾ ആത്മീയ ഭക്ഷണം കഴിക്കണം.

യേശുവിന്‍റെ മാംസം ഭക്ഷിക്കുന്നവർ ജീവൻ നിലനിർത്തുന്ന ഭക്ഷണം സ്വീകരിക്കാൻ വരുന്നു

യേശുവിന്‍റെ മാംസം ഭക്ഷിച്ചവർ പാപമില്ലാത്ത വരായി മാറിയിരിക്കുന്നു. എന്‍റെ സഹവിശ്വാസികളേ, നിങ്ങൾ വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചപ്പോൾ നിങ്ങൾ പാപരഹിതരായി മാറിയെന്ന് നിങ്ങൾക്കറിയാമോ? വിശ്വാസത്താൽ യേശുവിന്‍റെ മാംസവും രക്തവും ഭക്ഷിച്ചുകൊണ്ട് നാം പാപമില്ലാത്തവരായി. കർത്താവി ന്‍റെ മാംസം ഭക്ഷിച്ചും അവന്‍റെ രക്തം പാനം ചെയ്തും പാപമില്ലാത്തവരായി മാറാം എന്ന് പറയുന്ന വെള്ളത്തി ന്‍റെയും ആത്മാവിന്‍റെയും സുവിശേഷം നൽകിയതി ലൂടെ കർത്താവ് നമുക്ക് രക്ഷ നൽകി. അതിനാൽ, നമ്മുടെ കർത്താവായ യേശുവിന്‍റെ മാംസവും രക്തവും ഭക്ഷിക്കുകയും കുടിക്കുകയും ചെയ്യുന്നതിലൂടെ യഥാർത്ഥ പാപരഹിതരായി നാം വീണ്ടും ജനിക്കുന്നു.

തന്‍റെ ശരീരം നമുക്ക് തന്ന നമ്മുടെ കർത്താവ് എത്ര കൃപയാൽ നിറഞ്ഞിരിക്കുന്നു? കർത്താവ് തന്‍റെ മാംസം നമുക്ക് നൽകിയില്ലെങ്കിൽ നാം എന്തു ചെയ്യും? അവന്‍റെ ദാനമായ മാംസം നമ്മുടെ ദൈനംദിന ഭക്ഷണമായി കഴിക്കുന്നതിനാൽ നാം പാപരഹിതരാണെന്ന് അറിയുന്ന നമ്മുടെ മനസ്സാക്ഷി എത്ര ശുദ്ധമാണ്? എന്‍റെ സഹവിശ്വാസികളേ, നമ്മൾ പാപരഹിതരായ ആളുകളായി മാറിയത് വളരെ ആകർഷണീയവും ആനന്ദകരവുമാണ്.

നമ്മൾ പാപമില്ലാത്ത മനുഷ്യരാണെന്ന് പറയാൻ എങ്ങനെ ധൈര്യപ്പെടും? അതിനായി പണം കൊടുത്ത് നമുക്ക് പാപരഹിതരാകാൻ കഴിയുമോ? സൽകർമ്മങ്ങൾ ചെയ്യുന്നതിലൂടെ നമുക്ക് പാപരഹിതരാകാൻ കഴിയുമോ? അതോ, നല്ല രീതിയിൽ ജീവിക്കുന്നതിലൂടെ നമുക്ക് പാപരഹിതരാകാൻ കഴിയുമോ? നമ്മുടെ പ്രവൃത്തി കളാലോ കഴിവുകളാലോ നമുക്ക് പാപരഹിതരാകാൻ കഴിയില്ല. യേശുവിന്‍റെ മാംസം ഇല്ലെങ്കിൽ നമുക്ക് പാപമില്ലാത്ത ആളുകളാകാൻ കഴിയില്ല. യേശുവിന്‍റെ മാംസം ഭക്ഷിച്ചുകൊണ്ട് നാം പാപരഹിതരായിത്തീർന്നു, കാരണം യേശു അവന്‍റെ മാംസം നമുക്ക് തന്നിരിക്കുന്നു. നിങ്ങൾക്ക് പാപങ്ങളുണ്ടോ? - ഇല്ല, എനിക്ക് പാപങ്ങളില്ല. എനിക്ക് പാപങ്ങളില്ല എന്ന് നമുക്ക് നമ്മുടെ ഉറച്ച ശബ്ദത്തിൽ പറയാം. അതെ, നമുക്ക് ഇനി പാപമില്ല, കാരണം നാം യേശുവിന്‍റെ മാംസം ഭക്ഷിച്ചു. ആളുകൾ ഞങ്ങളെ കണ്ടാൽ, അയ്യോ, അത്തരം വിചിത്രമായ ആളുകളുണ്ട് എന്ന് അവർ പറഞ്ഞേക്കാം. പക്ഷേ, നിങ്ങൾ പാപരഹിതരായ ആളുകളാണ്, നിങ്ങളിൽ ദൈവം നന്നായി പ്രസാദിച്ചിരിക്കുന്നു.

എന്‍റെ സഹവിശ്വാസികളേ, നമ്മൾ കർത്താവിന്‍റെ മാംസം ഭക്ഷിച്ചതിനാൽ നമുക്ക് പാപങ്ങളൊന്നുമില്ല. യേശു നമുക്ക് അവന്‍റെ മാംസം നൽകി. അവിടുന്ന് തന്‍റെ രക്തവും നമുക്ക് നൽകി. തന്‍റെ സ്നാനത്തിലൂടെ ആ മാംസത്തോടൊപ്പം നമ്മുടെ എല്ലാ പാപങ്ങളും അവൻ ഏറ്റെടുത്തു, കുരിശിൽ തന്‍റെ രക്തം ചൊരിഞ്ഞുകൊണ്ട് അവയ്ക്ക് പ്രതിഫലം നൽകി. അതിനാൽ, വെള്ളത്തിന്‍റെയും ആത്മാവിന്‍റെയും ഈ സുവിശേഷ ത്തിൽ വിശ്വസിച്ചുകൊണ്ട് ഞങ്ങൾ പാപരഹിതരായ ആളുകളായി മാറി.

കർത്താവ് പറഞ്ഞു, ജീവിപ്പിക്കുന്നത് ആത്മാവ് ആകുന്നു; മാംസം ഒന്നിന്നും ഉപകരിക്കുന്നില്ല (യോഹന്നാൻ 6:63). കർത്താവ് നമുക്കുവേണ്ടി ചെയ്ത കാര്യങ്ങൾ മനസ്സിൽ വിശ്വസിക്കുമ്പോൾ നമുക്ക് വീണ്ടും ജനിക്കാം. ഈ കണക്കിൽ നമ്മൾ മനസ്സിൽ പാപമില്ലാത്ത ആളുകളായി മാറി. അതുപോലെ, നമ്മൾ നമ്മുടെ ആത്മാവിൽ പാപമില്ലാത്ത ആളുകളായി. നിങ്ങൾ സമ്മതിക്കുന്നുണ്ടോ ഇല്ലയോ? നിങ്ങൾ സമ്മതിക്കുമെന്ന് എനിക്ക് ഉറപ്പുണ്ട്. അതിനാൽ, കർത്താവ് പറഞ്ഞു, ജീവിപ്പിക്കുന്നത് ആത്മാവ് ആകുന്നു; മാംസം ഒന്നിന്നും ഉപകരിക്കുന്നില്ല. നാം ശാരീരികമായി ചിന്തിച്ചാൽ, നമുക്ക് യഥാർത്ഥത്തിൽ ഒരാളുടെ മാംസം തിന്നാനും രക്തം കുടിക്കാനും കഴിയുമോ? നമുക്ക് അത് ചെയ്യാൻ കഴിയില്ല. നമ്മൾ മറ്റുള്ളവരുടെ മാംസം ഭക്ഷിക്കുക വഴി, നമ്മൾ ഒരു നരഭോജി ഗോത്രമാണെന്ന് പറയുകയാണോ? നാം ഈ വാക്കുകൾ അക്ഷരാർത്ഥത്തിൽ അനുസരി ക്കുന്നുവെങ്കിൽ, ക്രൂരമായ പ്രവൃത്തികൾ ചെയ്യാൻ ബൈബിൾ കൽപ്പിക്കുന്നു എന്നു വരും. അതുകൊണ്ടാണ് ശാരീരികമായി ചിന്തിക്കരുതെന്ന് അവൻ നമ്മോട് പറഞ്ഞത്.

കർത്താവ് നമ്മുടെ ആത്മാക്കളെ പാപത്തിൽ നിന്ന് രക്ഷിക്കുകയും നമുക്ക് പുതിയ ജീവിതം നൽകുകയും ചെയ്തു. യോഹന്നാനിൽ നിന്ന് തന്‍റെ ശരീരത്തിൽ സ്നാനം സ്വീകരിച്ചുകൊണ്ട് അവൻ നമ്മുടെ പാപങ്ങൾ ഒരിക്കൽ എന്നെന്നേക്കുമായി എടുത്തുകളഞ്ഞു. അങ്ങനെ അവൻ നമ്മെ പാപരഹിതരാക്കി. കർത്താവിന്‍റെ മാംസം ഭക്ഷിച്ചതിലൂടെ നാം പാപരഹിതരായി. അത് വളരെ അത്ഭുതകരമാണ്. കർത്താവിന്‍റെ മാംസം ഭക്ഷിച്ചു കൊണ്ട് നാം പാപരഹിതരായിത്തീർന്നു എന്ന വസ്തുത അതിശയകരമാണ്. യഥാർത്ഥ രക്ഷ പ്രാപിക്കാനാണ് നാം വന്നത് എന്നത് വളരെ അത്ഭുതകരമാണ്. കർത്താവിന്‍റെ മാംസം എത്ര ശക്തമാണ്! യേശുവിന്‍റെ മാംസം ഭക്ഷിക്കുന്നവർ പാപമില്ലാത്തവരാണ്.

യേശുവിന്‍റെ മാംസവും രക്തവും നിങ്ങൾക്ക് എങ്ങനെ തിന്നാനും കുടിക്കാനും കഴിയും? യേശുവിന്‍റെ സ്നാനത്തിലും അവന്‍റെ രക്തം ചൊരിയുന്നതിലും വിശ്വസിച്ചുകൊണ്ടാണ് നാം അങ്ങനെ ചെയ്യുന്നത്. യോർദ്ദാൻ നദിയിലെ സ്നാനത്തിലൂടെ നമ്മുടെ എല്ലാ പാപങ്ങളും യേശു ഏറ്റെടുത്തുവെന്ന് വിശ്വസിച്ചാണ് നാം യേശുവിന്‍റെ മാംസം ഭക്ഷിക്കുന്നത്. അതിനാൽ, വിശ്വാസത്താൽ നാം ദിവസവും യേശുവിന്‍റെ മാംസം ഭക്ഷിക്കേണ്ടതുണ്ട്. ആത്മീയമായി വിശപ്പ് തോന്നുമ്പോഴെല്ലാം ഭക്ഷണം കഴിക്കണം. നമുക്ക് പാപങ്ങൾ ഉണ്ടെന്ന് തോന്നുമ്പോഴോ ആത്മീയമായി ബലഹീനത അനുഭവപ്പെടുമ്പോഴോ യേശുവിന്‍റെ മാംസം ഭക്ഷിക്കേണ്ടതുണ്ട്. കർത്താവ് തന്‍റെ സ്നാനത്തിലൂടെ നമ്മുടെ പാപങ്ങൾ ഏറ്റെടുത്തു എന്ന വസ്തുതയിൽ വിശ്വസിച്ച് നമുക്ക് കഴിയുന്നത്ര തവണ അവന്‍റെ മാംസം ഭക്ഷിക്കേണ്ടതുണ്ട്. ആത്മീയ വിശ്വാസമുള്ള ഒരു പുരുഷനോ സ്ത്രീയോ ആകുന്നത് ഇങ്ങനെയാണ്.

യേശുവിന്‍റെ ശിഷ്യന്മാരിൽ പോലും, യേശു ദൈവപുത്രനാണെന്നോ ലോകത്തിന്‍റെ എല്ലാ പാപങ്ങളും യേശു ഏറ്റെടുത്തുവെന്നോ വിശ്വസിക്കാത്ത അനേകർ ഉണ്ടായിരുന്നു. ഇപ്പോൾ പോലും, യേശു തന്‍റെ ശരീരത്തിൽ പാപങ്ങൾ ഏറ്റെടുത്തു എന്ന് വിശ്വസിക്കാത്ത ധാരാളം ആളുകൾ ഉണ്ട്. സ്നാനം സ്വീകരിച്ചതിലൂടെ യേശു ലോകത്തിന്‍റെ പാപങ്ങൾ ഏറ്റെടുത്തുവെന്നത് വ്യക്തമാണ്, എന്നാൽ, ക്രിസ്ത്യാനി കൾക്കിടയിൽ പോലും, ഈ സത്യത്തിൽ വിശ്വസിക്കാ ത്ത ധാരാളം ആളുകൾ ഉണ്ട്. അതുകൊണ്ടാണ് യേശു അതിനെക്കുറിച്ച് സംസാരിക്കുന്നത്.

യേശുവിന്‍റെ പന്ത്രണ്ടു ശിഷ്യന്മാരിൽ യൂദാ എന്നു പേരുള്ള ഒരു ശിഷ്യൻ ഉണ്ടായിരുന്നു. യൂദ പിശാചായ സാത്താന്‍റേതാണെന്ന് യേശുവിന് അറിയാമായിരുന്നു. യേശുവിന്‍റെ ശിഷ്യന്മാരിൽ ചിലർ അവനിൽ പൂർണ്ണമായി വിശ്വസിക്കുന്നില്ലെന്നും അവനെ അനുഗമിച്ച ജനക്കൂട്ടത്തിൽ ചിലർ അവനിൽ വിശ്വസിക്കുന്നില്ലെന്നും കർത്താവിന് അറിയാമായി രുന്നു. അപ്പോൾ, അവർ ആരായിരുന്നു? കർത്താവ് പറഞ്ഞു, പിതാവായ ദൈവത്താൽ നയിക്കപ്പെടാത്തവർ അവനിൽ വിശ്വസിക്കാത്ത ആളുകളാണ്. അവൻ പറഞ്ഞു, പിതാവ് കൃപ നല്കീട്ടല്ലാതെ ആർക്കും എന്‍റെ അടുക്കൽ വരുവാൻ കഴികയില്ല (യോഹന്നാൻ 6:65).

പിതാവ് കൃപ നല്കീട്ടല്ലാതെ ആർക്കും എന്‍റെ അടുക്കൽ വരുവാൻ കഴികയില്ല എന്ന് പറഞ്ഞപ്പോൾ പലരും യേശുവിനെ ഉപേക്ഷിച്ചു പോയിട്ടുണ്ട്. യേശുവിന്‍റെ മാംസവും രക്തവും ഭക്ഷിക്കാനും കുടിക്കാനും വിശ്വാസമുള്ള പലരും അവനെ ഉപേക്ഷിച്ചു. എന്‍റെ സഹവിശ്വാസികളേ, നിങ്ങളുടെ മനസ്സ് വഞ്ചിക്കപ്പെട്ടാൽ പിതാവായ ദൈവത്തിന് നിങ്ങളെ നയിക്കാനാവില്ല. നമ്മുടെ എല്ലാ സാഹചര്യങ്ങളും ദൈവത്തിനറിയാം. അതുകൊണ്ട്, വഞ്ചിക്കപ്പെട്ട മനസ്സുകൾ നമുക്കുണ്ടാകരുത്. നമ്മുടെ ഹൃദയങ്ങളുടെ യഥാർത്ഥ സാഹചര്യം അവന്‍റെ മുമ്പാകെയുള്ളതുപോലെ നാം ഏറ്റുപറയണം: ഓ, എന്‍റെ കർത്താവേ, എന്‍റെ ഹൃദയത്തിൽ പാപങ്ങളുണ്ട്, ഈ പാപങ്ങൾ നിമിത്തം ഞാൻ ശിക്ഷിക്കപ്പെടാൻ അർഹനാണ്. എന്നോടു കരുണയുണ്ടാകേണമേ! അപ്പോൾ, വെള്ളത്തിന്‍റെയും ആത്മാവിന്‍റെയും സുവിശേഷത്താൽ കർത്താവ് അത്തരമൊരു സത്യസന്ധനായ ആത്മാവിനെ തീർച്ചയായും കണ്ടുമുട്ടും.

യേശു തന്‍റെ പന്ത്രണ്ടു ശിഷ്യന്മാരോടു ചോദിച്ചു: നിങ്ങൾക്കും പോകുവാൻ ആഗ്രഹമുണ്ടോ? ശിമോൻ പത്രൊസ് അവനോടു: കർത്താവേ, ഞങ്ങൾ ആരുടെ അടുക്കൽ പോകും? നിത്യജീവന്‍റെ വചനങ്ങൾ നിന്‍റെ പക്കലുണ്ട്. നീ ജീവനുള്ള ദൈവത്തിന്‍റെ പുത്രനായ ക്രിസ്തുവാണെന്ന് ഞങ്ങൾ വിശ്വസിച്ചും അറിഞ്ഞും ഇരിക്കുന്നു (യോഹന്നാൻ 6:68-69).

വിശ്വാസത്തിന്‍റെ അതേ ഏറ്റുപറച്ചിൽ നമുക്കും ഉണ്ടായിരിക്കണം. കർത്താവിനെ ഉപേക്ഷിച്ച് നമുക്ക് ജീവിക്കാൻ കഴിയുമോ? കർത്താവിനെ വിട്ട് മറ്റെവിടെയെങ്കിലും പോകാൻ കഴിയുമോ? കർത്താവ് തന്‍റെ ശരീരത്തിൽ സ്നാനം സ്വീകരിക്കുകയും അവന്‍റെ രക്തം നമുക്ക് നൽകുകയും ചെയ്തു. നിത്യജീവൻ പ്രാപിക്കാൻ നമ്മെ പ്രാപ്തരാക്കുന്ന ദൈവത്തിന്‍റെ സത്യവചനമായ വെള്ളത്തിന്‍റെയും ആത്മാവിന്‍റെയും സുവിശേഷവും അവൻ നമ്മോട് പറഞ്ഞു.

ഇപ്പോൾ, നാം അവന്‍റെ പാപമില്ലാത്ത ജനമായി മാറിയിരിക്കുന്നു. വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിക്കുന്ന ഏതൊരാൾക്കും നിത്യമായ പാപമോചനം ലഭിക്കുകയും നിത്യജീവൻ നേടുകയും ചെയ്യാം. ഹല്ലേലൂയാ!

CHAPTER0303

വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചുകൊണ്ട് നാം വീണ്ടും ജനിക്കണം

< യോഹന്നാൻ 3:1-15 >

പരീശന്മാരുടെ കൂട്ടത്തിൽ യെഹൂദന്മാരുടെ ഒരു പ്രമാണിയായി നിക്കോദേമൊസ് എന്നു പേരുള്ളോരു മനുഷ്യൻ ഉണ്ടായിരുന്നു. അവൻ രാത്രിയിൽ അവന്‍റെ അടുക്കൽ വന്നു അവനോട്: റബ്ബീ, നീ ദൈവത്തിന്‍റെ അടുക്കൽ നിന്നു ഉപദേഷ്ടാവായി വന്നിരിക്കുന്നു എന്നു ഞങ്ങൾ അറിയുന്നു; ദൈവം തന്നോടു കൂടെ ഇല്ലെങ്കിൽ നീ ചെയ്യുന്ന ഈ അടയാളങ്ങളെ ചെയ്‍വാൻ ആർക്കും കഴികയില്ല എന്നു പറഞ്ഞു. യേശു അവനോട്: ആമേൻ, ആമേൻ, ഞാൻ നിന്നോടു പറയുന്നു; പുതുതായി ജനിച്ചില്ല എങ്കിൽ ദൈവരാജ്യം കാണ്മാൻ ആർക്കും കഴിയകയില്ല എന്നു ഉത്തരം പറഞ്ഞു. നിക്കോദെമൊസ് അവനോട്: മനുഷ്യൻ വൃദ്ധനായശേഷം ജനിക്കുന്നത് എങ്ങനെ? രണ്ടാമതും അമ്മയുടെ ഉദരത്തിൽ കടന്നു ജനിക്കാമോ എന്നു ചോദിച്ചു. അതിന് യേശു: ആമേൻ, ആമേൻ, ഞാൻ നിന്നോടു പറയുന്നു: വെള്ളത്താലും ആത്മാവിനാലും ജനിച്ചില്ല എങ്കിൽ ദൈവരാജ്യത്തിൽ കടപ്പാൻ ആർക്കും കഴികയില്ല. ജഡത്താൽ ജനിച്ചതു ജഡം ആകുന്നു; ആത്മാവിനാൽ ജനിച്ചതു ആത്മാവ് ആകുന്നു. നിങ്ങൾ പുതുതായി ജനിക്കേണം എന്നു ഞാൻ നിന്നോടു പറകയാൽ ആശ്ചര്യപ്പെടരുത്. കാറ്റ് ഇഷ്ടമുള്ളേടത്ത് ഊതുന്നു; അതിന്‍റെ ശബ്ദം നീ കേൾക്കുന്നു; എങ്കിലും അതു എവിടെനിന്നു വരുന്നു എന്നും എവിടേക്കു പോകുന്നു എന്നും അറിയുന്നില്ല; ആത്മാവിനാൽ ജനിച്ചവൻ എല്ലാം അതുപോലെ ആകുന്നു എന്നു ഉത്തരം പറഞ്ഞു. നിക്കോദേമൊസ് അവനോട്: ഇതു എങ്ങനെ സംഭവിക്കും എന്നു ചോദിച്ചു. യേശു അവനോടു ഉത്തരം പറഞ്ഞത്: നീ യിസ്രായേലിന്‍റെ ഉപദേഷ്ടാവായിരുന്നിട്ടും ഇത് അറിയുന്നില്ലയോ? ആമേൻ, ആമേൻ, ഞാൻ നിന്നോടു പറയുന്നു: ഞങ്ങൾ അറിയുന്നതു പ്രസ്താവിക്കയും കണ്ടതു സാക്ഷീകരിക്കയും ചെയ്യുന്നു: ഞങ്ങളുടെ സാക്ഷ്യം നിങ്ങൾ കൈക്കൊള്ളുന്നില്ലതാനും. ഭൂമിയിലുള്ളത് നിങ്ങളോടു പറഞ്ഞിട്ടു നിങ്ങൾ വിശ്വസിക്കുന്നി ല്ലെങ്കിൽ സ്വർഗ്ഗത്തിലുള്ളതു നിങ്ങളോടു പറഞ്ഞാൽ എങ്ങനെ വിശ്വസിക്കും? സ്വർഗ്ഗത്തിൽ നിന്ന് ഇറങ്ങിവന്ന (വനായി സ്വർഗ്ഗത്തിൽ ഇരിക്കുന്നവനായ) മനുഷ്യപുത്രൻ അല്ലാതെ ആരും സ്വർഗ്ഗത്തിൽ കയറീട്ടില്ല. മോശെ മരുഭൂമിയിൽ സർപ്പത്തെ ഉയർത്തിയതുപോലെ മനുഷ്യപുത്രനെ യും ഉയർത്തേണ്ടതാകുന്നു. അവനിൽ വിശ്വസിക്കു ന്ന ഏവനും നിത്യജീവൻ പ്രാപിക്കേണ്ടതിന്നു തന്നേ."

യേശുവിൽ വിശ്വസിച്ച് വീണ്ടും ജനിക്കാൻ ആഗ്രഹിക്കുന്ന ആളുകൾ ഈ ലോകത്തിലുണ്ട്. കൂടാതെ, തങ്ങളുടെ പാപങ്ങളിൽ നിന്ന് വീണ്ടും ജനിക്കുന്നതി നായി വിവിധ രൂപങ്ങളിലും നിറങ്ങളിലും മതജീവിത ത്തിനായി പരിശ്രമിക്കുന്ന ധാരാളം ആളുകളുമുണ്ട്. അനുതാപ പ്രാർഥനകൾ നടത്തിയാൽ ഒരു വ്യക്തിക്ക് പാപപരിഹാരം ലഭിക്കുമെന്ന് കരുതി ചിലർ വൈകാരികമായി മാത്രം വീണ്ടും ജനിക്കാൻ ശ്രമിക്കുന്നു. ഗണ്യമായ സാമ്പത്തിക സംഭാവനകൾ നൽകുന്നത് തങ്ങളെ വീണ്ടും ജനിപ്പിക്കുമെന്ന് ചില ക്രിസ്ത്യാനികൾ കരുതുന്നു, അതിനാൽ അവർ ഒരു തുക സംഭാവന ചെയ്യുന്നു, മറ്റ് ചിലർ, ധാരാളം സഭകൾ സ്ഥാപിച്ചാൽ ദൈവത്തിന്‍റെ അംഗീകാരം ലഭിക്കുമെന്ന് കരുതി, സഭാ കെട്ടിടങ്ങൾ പണിയുന്ന തിരക്കിലാണ്.

ചില ക്രിസ്ത്യാനികൾ മിഷനറി പ്രവർത്തനത്തിൽ അർപ്പിതരാണ്, ഒരു വ്യക്തി മിഷനറി പ്രവർത്തനത്തിൽ സന്നദ്ധത പ്രകടിപ്പിക്കുകയും പരിശീലനം നൽകുകയും ചെയ്താൽ ആ വ്യക്തി വീണ്ടും ജനിക്കുമെന്ന് കരുതുന്നു. അങ്ങനെ, സാഹചര്യങ്ങൾ എത്ര അപകടകരമാണെ ങ്കിലും, സ്വന്തം ശരീരം, ഈ അഭിനിവേശത്താൽ കത്തിച്ചു കൊണ്ട്, മിഷനറി പ്രവർത്തനത്തിൽ ഏർപ്പെടുന്ന അവർ യേശുവിനെ എല്ലാ രാജ്യങ്ങൾക്കും പരിചയപ്പെടുത്താൻ ശ്രമിക്കുന്നു. അത്തരക്കാർ തങ്ങളുടെ ജീവിതം മുഴുവൻ ദൈവത്തിന് സമർപ്പിച്ച് ജീവിക്കുന്നു. എന്നെങ്കിലും വീണ്ടും ജനിക്കുമെന്ന ചിന്തയോടെയാണ് ആ ആളുകളെല്ലാം വിശ്വാസജീവിതം നയിക്കുന്നത്. തങ്ങൾ ദൈവത്തിനു വേണ്ടി ജീവിക്കുന്നതിനാൽ എന്നെങ്കിലും ദൈവം തങ്ങളെ വീണ്ടും ജനിപ്പിക്കുമെന്ന് അവർ കരുതുന്നു. എന്നാൽ, അങ്ങനെ ചിന്തിക്കുന്നത് ഒരിക്കലും ശരിയല്ല.

എന്നാൽ, ഈ ലോകത്ത് ഇത്തരം ആളുകൾ മാത്രമേ ഉള്ളൂ എന്ന് നിങ്ങൾ കരുതുന്നുണ്ടോ? ഇവ കൂടാതെ, ഒരുവന്‍റെ പാപങ്ങളിൽ നിന്ന് വീണ്ടും ജനിക്കാനുള്ള വഴികൾ തുടരുന്നു. ഒരുപാടു ഭൌതിക വസ്തുക്കൾ വാഗ്ദത്തം ചെയ്താൽ, ഒരുപാടു സേവനങ്ങൾ നൽകിയാൽ, മരണം വരെ വിശ്വസ്തത പുലർത്തിയാൽ വീണ്ടും ജനിച്ചതിന്‍റെ കൃപ ലഭിക്കുമെന്ന് കരുതുന്ന പ്രവണതയാണ് ആളുകൾക്ക് ഉള്ളത്. ഞാൻ ദൈവമുമ്പാകെ നന്നായി പ്രവർത്തിക്കുന്നത് തുടരുകയാണെങ്കിൽ, എനിക്കറിയാത്ത ഒരു സമയത്ത് ഞാൻ വീണ്ടും ജനിച്ച വ്യക്തിയായി മാറും എന്ന് ആളുകൾ ചിന്തിച്ചേക്കാം, എന്നാൽ അവരുടെ ചിന്തകൾ അങ്ങനെയാണെങ്കിലും, ദൈവത്തിന്‍റെ വാഗ്ദാനം അങ്ങനെയല്ല. ദൈവത്തിന്‍റെ ചിന്തകൾ മനുഷ്യരുടേ തിൽ നിന്നു വ്യത്യസ്‌തമായതിനാൽ നമുക്കെന്തു ചെയ്യാൻ കഴിയും? ദൈവത്തിന്‍റെ ചിന്തകൾ മനുഷ്യചിന്തകളിൽ നിന്ന് വളരെ വ്യത്യസ്തമാണ്: വെള്ളത്തിന്‍റെയും ആത്മാവിന്‍റെയും സുവിശേഷത്തിൽ തീർച്ചയായും വിശ്വസിക്കുന്നതിലൂടെ മാത്രമേ ഒരു വ്യക്തിക്ക് വീണ്ടും ജനിക്കാൻ കഴിയൂ എന്ന് അവൻ നമ്മോട് പറയുന്നു. വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിക്കുക എന്നതൊഴിച്ച് മറ്റൊന്നിനാലും വീണ്ടും ജനിക്കുക സാധ്യമല്ല.

നമ്മുടെ കർത്താവ് പറഞ്ഞതുപോലെ, ഒരു പാപി എന്ന അവസ്ഥയിൽ നിന്ന് വീണ്ടും ജനിക്കാൻ ആഗ്രഹിക്കുന്നുവെങ്കിൽ, അത് വെള്ളത്തിന്‍റെയും ആത്മാവിന്‍റെയും സുവിശേഷത്തിലുള്ള വിശ്വാസത്താ ൽ മാത്രമേ സാധ്യമാകൂ. വെള്ളത്തിന്‍റെയും ആത്മാവിന്‍റെയും സുവിശേഷമല്ലാതെ മറ്റെന്തെങ്കിലും സ്വർണ്ണക്കട്ടി തന്നെ നാം ദൈവത്തിന് സമർപ്പിച്ചാലും, നമുക്ക് ഒരിക്കലും യഥാർത്ഥത്തിൽ വീണ്ടും ജനിക്കാൻ കഴിയില്ല. ഒരു വ്യക്തിയുടെ സ്വന്തം സൽകർമ്മത്തിനോ, ത്യാഗത്തിനോ, അർപ്പണത്തിനോ, ഭൗതിക വസ്തുക്കൾ ക്കോ പോലും ആ വ്യക്തിയെ വീണ്ടും ജനിപ്പിക്കാൻ കഴിയില്ലെന്ന് ദൈവം നമ്മോട് പറയുന്നു. ഒരു വ്യക്തി എത്രമാത്രം ശാരീരികമായ വിയർപ്പും കഷ്ടപ്പാടുകളും പ്രയത്നവും ദൈവത്തിന് സമർപ്പിച്ചാലും, ആ വ്യക്തിക്ക് അവൻ അല്ലെങ്കിൽ അവൾ ചെയ്ത പാപങ്ങളിൽ നിന്ന് രക്ഷ ലഭിക്കില്ല. ജഡത്തിന്‍റെ പ്രയത്നത്താൽ ഒരു മനുഷ്യാത്മാവിന് പാപങ്ങളിൽ നിന്ന് രക്ഷപ്പെടാൻ കഴിയില്ല.

ചില ആളുകൾ ഇങ്ങനെ ചിന്തിച്ചേക്കാം: കാറ്റു ഇഷ്ടമുള്ളേടത്ത് ഊതുന്നു; അതിന്‍റെ ശബ്ദം നീ കേൾക്കുന്നു; എങ്കിലും അതു എവിടെനിന്നു വരുന്നു എന്നും എവിടേക്കു പോകുന്നു എന്നും അറിയുന്നില്ല. (യോഹന്നാൻ 3:8) എന്ന് കർത്താവ് പറഞ്ഞതുപോലെ, വീണ്ടും ജനനം എന്നത് എങ്ങനെ നേടാമെന്ന് ഒരുവന് അറിയാൻ കഴിയാത്ത ഒരു പ്രക്രിയയാണെന്നും അത് ദൈവത്തിന് മാത്രം അറിയാവുന്ന കാര്യമാണെന്നും ആളുകൾക്ക് ചിന്തിക്കുവാൻ കഴിയും. എന്നാൽ, കർത്താവ് നമുക്ക് നൽകിയ വെള്ളത്തിന്‍റെയും ആത്മാവിന്‍റെയും സുവിശേഷ സത്യത്തെ കുറിച്ച് അറിയാത്തതിനാൽ വന്ന ഒരു ചിന്തയാണിത്. ദൈവത്തിന് നമ്മെ കുറിച്ച് എല്ലാം അറിയാം. വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ച് പാപങ്ങളിൽ നിന്ന് ഒരാൾ വീണ്ടും ജനിച്ചിട്ടുണ്ടോ ഇല്ലയോ എന്ന് ദൈവത്തിന് വ്യക്തമായി അറിയാം. വെള്ളത്തിന്‍റെയും ആത്മാവിന്‍റെയും സുവിശേഷത്തിനുള്ളിൽ ആളുകൾ വീണ്ടും ജനിക്കാൻ ദൈവം ആസൂത്രണം ചെയ്യുകയും അനുവദിക്കുകയും ചെയ്തു. എങ്കിലും, സ്വന്തം പാപങ്ങളിൽ നിന്ന് ഇതുവരെ രക്ഷപ്പെട്ടിട്ടില്ലാത്ത ആളുകൾക്ക് ഈ തെറ്റിദ്ധാരണയുണ്ട്, കാരണം അവർ വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചുകൊണ്ട് വീണ്ടും ജനിക്കുന്നതിനെക്കുറിച്ചുള്ള സത്യം അറിയുന്നില്ല. എന്നിട്ടും, തങ്ങൾ എന്നെങ്കിലും വീണ്ടും ജനിക്കുമെന്ന് കരുതി ഈ ആളുകൾ ഒരു ഭാഗ്യ അവസരത്തിനായി പ്രതീക്ഷിക്കുന്നു.

വെള്ളത്തിന്‍റെയും ആത്മാവിന്‍റെയും സുവിശേഷം ആദ്യമായി കേൾക്കുമ്പോൾ ആളുകൾ അത് നിരസിക്കുന്നു, വചനങ്ങൾ സത്യമാണ്, പക്ഷേ അവ നമ്മൾ ഇതുവരെ പഠിച്ചതിൽ നിന്ന് വ്യത്യസ്തമാണ്. അങ്ങനെയെങ്കിൽ, ഞങ്ങൾ ഇതുവരെ കേട്ട വചനങ്ങളുടെ കാര്യമോ?എങ്കിലും, തങ്ങൾക്കു വേണ്ടിയുള്ള വെള്ളത്തിന്‍റെയും ആത്മാവിന്‍റെയും സുവിശേഷം കേട്ടശേഷം അവർ തുടർന്നു പറയും, ഓ? എന്‍റെ പാപങ്ങൾ സത്യമായും നീങ്ങിപോയോ. എന്‍റെ എല്ലാ പാപങ്ങളിൽ നിന്നും എനിക്ക് രക്ഷ ലഭിച്ചു എന്നാണോ ഇതിനർത്ഥം? ആഹ്! ഈ വാക്കുകൾ എന്‍റെ എല്ലാ പാപങ്ങളിൽ നിന്നും എന്നെ വീണ്ടും ജനിപ്പിക്കുന്ന വെള്ളത്തിന്‍റെയും ആത്മാവിന്‍റെയും സുവിശേഷമാണ്. കൂടാതെ, അവരുടെ സന്തോഷം ഞങ്ങൾ കാണുകയും ചെയ്തു. എന്നാലും, വെള്ളത്തിന്‍റെയും ആത്മാവിന്‍റെയും സുവിശേഷം ആദ്യമായി കേട്ടതിന് ശേഷം ഒരിക്കൽ എന്നെന്നേക്കുമായി ഗ്രഹിക്കുകയും മനസ്സിലാക്കുകയും ചെയ്യുന്ന ധാരാളം ആളുകൾ ഇല്ല. അതിനാൽ, എല്ലാ പാപങ്ങളിൽ നിന്നും രക്ഷയുടെ ബോധ്യം ലഭിക്കുന്നതിന് ചില ആളുകൾ വെള്ളത്തിന്‍റെയും ആത്മാവിന്‍റെയും സുവിശേഷം കൂടാതെ മറ്റൊരു മാർഗം കൂടി തേടുന്നു.

അതുകൊണ്ട്, പല ക്രിസ്ത്യാനികളും വീണ്ടും ജനിക്കുക, രക്ഷ സ്വീകരിക്കുക, പാപമോചനം സ്വീകരിക്കുക എന്നീ വാക്കുകൾ കുറച്ച് വ്യത്യസ്തമാ ണെന്ന് ചിന്തിക്കാൻ ആഗ്രഹിക്കുന്നവരാണ്. എപ്പോഴെ ങ്കിലും ഞാൻ ഒരു വ്യക്തിയോട് നിങ്ങൾ വീണ്ടും ജനിച്ചിട്ടുണ്ടോ? എന്ന് ചോദിക്കുകയാണെങ്കിൽ, അപ്പോൾ അവർ വീണ്ടും ജനിച്ചിരിക്കുന്നു എന്ന് പ്രതികരിച്ചേക്കാം. അപ്പോൾ ഞാൻ അങ്ങനെയെങ്കിൽ, നിങ്ങൾക്ക് പാപമോചനം ലഭിച്ചിട്ടുണ്ടോ? അതിനാൽ, നിങ്ങൾക്ക് പാപമില്ലേ? എന്ന് ചോദിക്കുകയാണെങ്കിൽ, അതിന് അവർ മറുപടി പറയുന്നത്, ഞാൻ വീണ്ടും ജനിച്ചിരിക്കുന്നു, പക്ഷേ എനിക്ക് പാപമോചനം ലഭിച്ചിട്ടില്ല, അതിനാൽ എനിക്ക് ഇപ്പോൾ പാപങ്ങളുണ്ട് എന്നായിരിക്കും. ശരിക്കും ഹാസ്യാത്മകമായ പ്രതികരണമാണത്.

വീണ്ടും ജനിച്ച് പാപങ്ങളിൽ നിന്ന് രക്ഷ പ്രാപിച്ച ഒരാൾക്ക് ഇപ്പോഴും പാപങ്ങൾ ഉണ്ടെന്ന് പറയുന്നതിൽ എന്തെങ്കിലും അർത്ഥമുണ്ടോ? വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ച് ഒരു വ്യക്തിക്ക് പാപങ്ങളിൽ നിന്ന് രക്ഷ ലഭിച്ചിട്ടുണ്ടെങ്കിൽ, ആ വ്യക്തി വീണ്ടും ജനിച്ച് നീതിമാനായ വ്യക്തിയായിത്തീർന്നു എന്നത് ഒരു വസ്തുതയാണ്. അതിനാൽ, വീണ്ടും ജനിക്കുക, രക്ഷ സ്വീകരിക്കുക, പാപമോചനം സ്വീകരിക്കുക എന്നീ വാക്കുകളെല്ലാം ഒന്നുതന്നെയാണ്. യഥാർത്ഥത്തിൽ, വീണ്ടും ജനിക്കുക എന്നതിന്‍റെ അർത്ഥം വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചു കൊണ്ട് ഒരു വ്യക്തി പുതുതായി മാറുക എന്നാണ്. പാപങ്ങളിൽ നിന്ന് രക്ഷ നേടുക എന്നതിനർത്ഥം പാപങ്ങൾ ഉള്ള ഒരു വ്യക്തി, പാപങ്ങളുമായി യാതൊരു ബന്ധവുമില്ലാത്ത ഒരാളായി മാറുക എന്നാണ്. ഈ വാക്യങ്ങളെല്ലാം അവയുടെ രൂപത്തിൽ മാത്രം വ്യത്യാസപ്പെട്ടിരിക്കുന്നു, അവയുടെ അർത്ഥം നോക്കുക യാണെങ്കിൽ, അവയ്‌ക്കെല്ലാം ഒരേ അർത്ഥമാണുള്ളത്. പാപങ്ങൾ ചെയ്തുപോന്ന ഒരു വ്യക്തി, വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ച് പാപമോചനം നേടുന്നു. വീണ്ടും ജനിക്കുക എന്നതിനർത്ഥം ഞാൻ പണ്ട് പാപിയായിരുന്നു, എന്നാൽ ഇപ്പോൾ, പാപങ്ങളുടെ ശുദ്ധീകരണം ലഭിച്ച്, ഞാൻ ഒരു പുതിയ വ്യക്തിയായി, നീതിമാനായി മാറിയിരിക്കുന്നു എന്നാണ്. അമ്മയുടെ ഉദരത്തിൽ നിന്ന് പുറത്തു വന്നപ്പോൾ നാം പാപികളായിരുന്നു, എന്നാൽ വെള്ളത്തിന്‍റെയും ആത്മാവിന്‍റെയും സുവിശേഷം ചെവികൊണ്ട് ശ്രവിക്കുകയും അത് മനസ്സിലാക്കുകയും ഹൃദയത്തിൽ വിശ്വസിക്കുകയും ചെയ്തുകൊണ്ടാണ് നമ്മൾ വീണ്ടും ജനിച്ചത്. അതിനർത്ഥം നമ്മുടെ ശരീരവും ബാഹ്യരൂപവും അതേപടി നിലനിൽക്കുന്നു ണ്ടെങ്കിലും, വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചുകൊണ്ട് നമ്മുടെ ഉള്ളിൽ വീണ്ടും ജനിച്ചിരിക്കുന്നു എന്നാണ്.

ആരാണ് കാറ്റിനെ ചലിപ്പിക്കുന്നത്? അത് ദൈവമാണ്. ഈ പ്രപഞ്ചത്തിനുള്ളിലെ ഈ ഭൂമിയുടെ അന്തരീക്ഷ ത്തിൽ കാറ്റിനെ ഉയർത്തുകയും, ഉയർന്നതും താഴ്ന്നതു മായ അന്തരീക്ഷമർദ്ദം സൃഷ്ടിച്ച്, വായുവിന്‍റെയും വെള്ളത്തിന്‍റെയും ഒഴുക്ക് മാറ്റുകയും, എല്ലാ സൃഷ്ടികളെയും ഇളക്കിവിടുകയും, കാറ്റുകളെ ശക്തിയോടെ ഉയർത്തുകയും ചെയ്യുന്നത് ആരാണ്? അത് യേശുവാണ്. അതുകൊണ്ടാണ് നമുക്ക് വീണ്ടും ജനിക്കണമെങ്കിൽ, വെള്ളത്തിന്‍റെയും ആത്മാവിന്‍റെയും സുവിശേഷസത്യം നാം ചെവികൊണ്ട് കേൾക്കുകയും ഹൃദയംകൊണ്ട് വിശ്വസിക്കുകയും വേണ്ടത്. അങ്ങനെ ചെയ്യുന്നതിന്, വെള്ളത്തിന്‍റെയും ആത്മാവിന്‍റെയും സുവിശേഷത്താൽ വന്ന രക്ഷയുടെ സത്യം നാം ഹൃദയം കൊണ്ട് വിശ്വസിക്കണം.

ദൈവം നമ്മെ പാപങ്ങളിൽ നിന്ന് രക്ഷിക്കുന്ന സത്യം വെള്ളത്തിന്‍റെയും ആത്മാവിന്‍റെയും സുവിശേഷ മാണ്. ചില ക്രിസ്ത്യാനികൾ പ്രാർത്ഥിക്കുമ്പോൾ തങ്ങൾക്ക് പരിശുദ്ധാത്മാവ് ലഭിച്ചുവെന്ന് പറയുന്നു, എന്നാൽ അത് യഥാർത്ഥ പരിശുദ്ധാത്മാവല്ല. വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിക്കുന്നവരുടെ ഹൃദയത്തിൽ പ്രവേശിക്കുന്ന വിശുദ്ധ ആത്മാവാണ് പരിശുദ്ധാത്മാവ്. യോഹന്നാൻ സ്നാപകനാൽ സ്നാനം ഏറ്റുവാങ്ങുമ്പോൾ യേശു നമ്മുടെ എല്ലാ പാപങ്ങളും നീക്കി, കുരിശിൽ നമ്മുടെ പാപങ്ങൾക്കുള്ള ന്യായവിധി സ്വീകരിച്ചു. അതിനാൽ, നമ്മുടെ ഹൃദയത്തിൽ പാപങ്ങൾ നിലവിലില്ലാത്ത തിനാൽ, നമുക്ക് ദൈവത്തിന്‍റെ പരിശുദ്ധാത്മാവിനെ ഒരു ദാനമായി ലഭിക്കും. പാപമോചനം ലഭിച്ച അത്തരം ആളുകളുടെ ഹൃദയത്തിൽ മാത്രമേ പരിശുദ്ധാത്മാവ് പ്രവേശിക്കുകയുള്ളൂ.

ഉല്പത്തി 1-മത്തെ അദ്ധ്യായം 2-മത്തെ വാക്യത്തിൽ ഇങ്ങനെ പറയുന്നു: ഭൂമി പാഴായും ശൂന്യമായും ഇരുന്നു; ആഴത്തിന്മീതെ ഇരുൾ ഉണ്ടായിരുന്നു. ദൈവത്തിന്‍റെ ആത്മാവ് വെള്ളത്തിൻ മീതെ പരിവർത്തിച്ചു കൊണ്ടിരുന്നു. ദൈവം വെള്ളത്തിനു മീതെ പരിവർത്തിക്കുന്നു. പരിശുദ്ധാത്മാവിന് നമ്മുടെ ഹൃദയങ്ങളിൽ പ്രവേശിക്കാൻ കഴിഞ്ഞില്ല, കാരണം നമ്മുടെ ഹൃദയം അന്ധകാരത്താൽ നിറഞ്ഞ് അലങ്കോലമായിരുന്നു. വെളിച്ചം ഉണ്ടാകട്ടെ എന്ന് ദൈവം പറഞ്ഞു, വെളിച്ചം ഉണ്ടായി. അതുപോലെ, വെള്ളത്തിന്‍റെയും ആത്മാവിന്‍റെയും സുവിശേഷത്തിൽ നാം വിശ്വസിക്കുമ്പോൾ, പരിശുദ്ധാത്മാവിന് നമ്മുടെ ഹൃദയങ്ങളിൽ പ്രവേശിച്ച് നമ്മോടൊപ്പം ആയിരിക്കാൻ സാധിക്കും. അതുകൊണ്ടാണ് യേശു നമുക്ക് നൽകിയ വെള്ളത്തിന്‍റെയും ആത്മാവിന്‍റെയും സുവിശേഷത്തി ലുള്ള നമ്മുടെ വിശ്വാസത്തിലൂടെ ദൈവം നമ്മോടൊപ്പം വസിക്കുന്നത്. അങ്ങനെ, വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിച്ചു കൊണ്ട് വീണ്ടും ജനിച്ച്, നമുക്ക് ദൈവത്തോടൊപ്പം ഒന്നിക്കാം.

ഒരുവന്‍റെ പാപങ്ങളിൽ നിന്ന് എങ്ങനെ വീണ്ടും ജനിക്കണം എന്നതിനെക്കുറിച്ച് നമ്മുടെ കർത്താവ് നിക്കോദേമോസിനോട് പറഞ്ഞു, ഒരു വ്യക്തി വീണ്ടും ജനിക്കണമെങ്കിൽ, ആ വ്യക്തി വെള്ളത്തിന്‍റെയും ആത്മാവിന്‍റെയും സുവിശേഷത്തിൽ വിശ്വസിക്കണം. അപ്പോൾ നിക്കോദേമോസ് ചോദിച്ചു, അങ്ങനെയെങ്കിൽ, വെള്ളത്താലും ആത്മാവിനാലും ഒരു വ്യക്തി എങ്ങനെ വീണ്ടും ജനിക്കും? ആ വ്യക്തി അമ്മയുടെ ഉദരത്തിൽ പ്രവേശിച്ച് ഒരിക്കൽ കൂടി പുറത്തുവരേണ്ടതുണ്ടോ? വീണ്ടും ജനിക്കുവാൻ ആദ്യം അമ്മയുടെ ഉദരത്തിലേക്ക് മടങ്ങുകയും പിന്നീട് ഒരിക്കൽ കൂടി ഗർഭപാത്രത്തിൽ നിന്ന് പുറത്തുവരികയും ചെയ്യണമെന്ന് നിക്കോദേമോസ് കരുതി. അതുകൊണ്ടാണ് അർത്ഥമില്ലാതിരുന്നത്. നിക്കോദേമോസിന്‍റെ അമ്മയ്‌ക്ക് എങ്ങനെ തന്നേക്കാൾ വലിയ തന്‍റെ മകനെ വീണ്ടും തന്‍റെ ഉദരത്തിൽ പ്രവേശിപ്പിക്കാനാകും? കർത്താവ് നിക്കോദേമസിനെ ശാസിച്ചു, നീ യിസ്രായേലിന്‍റെ ഗുരുവും യിസ്രായേൽ റബ്ബിയുമാണ്. എന്നിട്ടും നിനക്ക് ഈ കാര്യങ്ങൾ അറിയില്ലേ?

വാസ്‌തവത്തിൽ, ഇന്നത്തെ ക്രിസ്‌ത്യാനിത്വത്തിൽ, വീണ്ടും ജനിച്ചിട്ടില്ലാത്ത പല ശുശ്രൂഷകരും ആളുകളെ നയിക്കാൻ ശ്രമിക്കുന്നു. മറ്റൊരു തരത്തിൽ പറഞ്ഞാൽ, ഒരു പരീശനായ നിക്കോദേമോസിനെപ്പോലെ നിരവധി ക്രിസ്തീയ നേതാക്കൾ ഉണ്ട്. റോമൻ കാലഘട്ടത്തിൽ യഹൂദ്യയിലെ സുപ്രീം കോടതിയും നിയമനിർമ്മാണ സമിതിയും രൂപീകരിച്ച എഴുപത്തിയൊന്ന് യഹൂദ റബ്ബിമാരുടെ സമിതിയായ സെൻഹെദ്രിൻ സംഖത്തിലെ അംഗത്തിനാണ് സാധാരണയായി യിസ്രായേലിന്‍റെ ഉപദേശകൻ എന്ന പദവി നൽകിയിരുന്നത്. നിക്കോദേമോസ് എന്ന ഈ വ്യക്തി കൗൺസിൽ അംഗങ്ങളിൽ ഒരാളായിരുന്നു. കൂടാതെ, മതപരമായി, അവൻ ഒരു പരീശനായിരുന്നു. ഒരു മതേതര വീക്ഷണത്തിൽ, അദ്ദേഹം സെൻഹെദ്രിൻ കൗൺസിലിലെ അംഗവും ഒരു മത നേതാവുമായിരുന്നു. അങ്ങനെ, അവന് ലൗകിക അറിവും ധാർമ്മിക പ്രശസ്തിയും ബഹുമാനവും ഉണ്ടായിരുന്നു, എന്നാൽ അവൻ വെള്ളത്തിന്‍റെയും ആത്മാവിന്‍റെയും സുവിശേഷം അറിഞ്ഞില്ല. അക്കാലത്ത്, യിസ്രായേൽ ജനതയിൽ റബ്ബിമാർ ഉണ്ടായിരുന്നു. രാജ്യത്തെ സംബന്ധിച്ചിടത്തോളം, റബ്ബികൾ വളരെ ഉയർന്ന പദവിയിലായിരുന്നു. ഈ റബ്ബിമാർ സിനഗോഗുകൾ പോലുള്ള സ്ഥലങ്ങളിൽ യിസ്രായേല്യരെ പഠിപ്പിച്ചു. മറ്റൊരു വിധത്തിൽ പറഞ്ഞാൽ, അവർ യിസ്രായേൽ ജനതയുടെ ആദരണീയരായ അധ്യാപകരായിരുന്നു. മറ്റുള്ളവരെ പഠിപ്പിക്കാൻ തക്ക പാണ്ഡിത്യമുണ്ടായിരു ന്നെങ്കിലും വീണ്ടും ജനിക്കുന്നതിനെക്കുറിച്ച് അവർക്ക് അറിയില്ലായിരുന്നു. അതുപോലെ, ഇക്കാലത്തും നിക്കോദേമോസിനെപ്പോലെ ധാരാളം വ്യാജ ഗുരുക്കന്മാരുണ്ട്. ഇന്നും, ക്രിസ്ത്യാനിത്വത്തിൽ, വെള്ളത്തിന്‍റെയും ആത്മാവിന്‍റെയും സുവിശേഷം അറിയാതെ ക്രിസ്തീയ സമൂഹങ്ങളെ വാഴുന്ന ധാരാളം ക്രിസ്തീയ നേതാക്കന്മാരുണ്ട്.

ഒരുവന്‍റെ വീണ്ടും ജനനം ആ വ്യക്തി നടത്തുന്ന ചില പുണ്യകർമ്മങ്ങളാൽ ഉണ്ടാകുന്നതല്ല. വിശ്വാസത്താൽ മാത്രമേ ഒരാൾക്ക് വീണ്ടും ജനിക്കാനാകൂ എന്ന് ആളുകൾ അറിയണം. വെള്ളത്തിന്‍റെയും ആത്മാവിന്‍റെയും ദൈവദത്തമായ സുവിശേഷം തിരിച്ചറിയുകയും അതിൽ വിശ്വസിക്കുകയും ചെയ്യുമ്പോൾ ഒരു വ്യക്തി യഥാർത്ഥത്തിൽ വീണ്ടും ജനിക്കുന്നു. യേശു നിക്കോദേമോസിനോടും നമ്മളോടും പറഞ്ഞു: ഭൂമിയിലുള്ളതു നിങ്ങളോടു പറഞ്ഞിട്ടു നിങ്ങൾ വിശ്വസിക്കുന്നില്ലെങ്കിൽ സ്വർഗ്ഗത്തിലുള്ളതു നിങ്ങളോടു പറഞ്ഞാൽ എങ്ങനെ വിശ്വസിക്കും? (യോഹന്നാൻ 3:12) വെള്ളത്തിന്‍റെയും ആത്മാവിന്‍റെയും സുവിശേഷത്താൽ യേശു നമ്മെയെല്ലാം നമ്മുടെ പാപങ്ങളിൽ നിന്ന് വീണ്ടും ജനിപ്പിച്ചതായി ആളുകൾ തിരിച്ചറിയുന്നില്ല. ഇതുപോലെ, യേശു ഭൂമിയിലുള്ള കാര്യങ്ങൾ പറയുമ്പോൾ പോലും, ആളുകൾ വിശ്വസിക്കുന്നില്ലെങ്കിൽ, വെള്ളത്തിന്‍റെയും ആത്മാവി ന്‍റെയും സുവിശേഷത്താൽ വീണ്ടും ജനിച്ചതിനുശേഷം സ്വർഗ്ഗീയ കാര്യങ്ങളെക്കുറിച്ചോ വിശ്വാസജീവിതത്തെ ക്കുറിച്ചോ പറയുമ്പോൾ അവർ അവനെ എങ്ങനെ മനസ്സിലാക്കും?

യോഹന്നാൻ സ്നാപകന്‍റെ സ്നാനം ശരീരത്തിൽ ഏറ്റുവാങ്ങിയും കുരിശിൽ നമുക്ക് പകരമായി മരണമടഞ്ഞും മരിച്ചവരിൽ നിന്ന് ഉയിർത്തെഴുന്നേറ്റും കർത്താവ് നമ്മെ എല്ലാ പാപങ്ങളിൽ നിന്നും ശുദ്ധീകരിച്ചു. അവസാനമായി, പഴയനിയമത്തിലെ വചനം ഉപയോഗിച്ച് നമ്മുടെ കർത്താവ് നിക്കോദേമോസിനോട് വിശദീകരിച്ചു. സ്വർഗ്ഗത്തിൽ നിന്നു ഇറങ്ങിവന്ന (വനായി സ്വർഗ്ഗത്തിൽ ഇരിക്കുന്നവനായ) മനുഷ്യപുത്രൻ അല്ലാതെ ആരും സ്വർഗ്ഗത്തിൽ കയറീട്ടില്ല. മോശെ മരുഭൂമിയിൽ സർപ്പത്തെ ഉയർത്തിയതുപോലെ മനുഷ്യപുത്രനെയും ഉയർത്തേണ്ടതാകുന്നു. അവനിൽ വിശ്വസിക്കുന്ന ഏവനും നിത്യജീവൻ പ്രാപിക്കേണ്ടതിന് തന്നേ. (യോഹന്നാൻ 3:13-15). മോശെ മരുഭൂമിയിൽ താമ്രസർപ്പ ത്തെ ഉയർത്തിയതുപോലെ മനുഷ്യപുത്രനെയും ഉയർത്തണം. താമ്ര സർപ്പത്തെപ്പോലെ ഉയർത്തപ്പെട്ട യേശുവിൽ വിശ്വസിക്കുന്നവർക്ക് ദൈവം നിത്യജീവൻ നൽകുന്നു.

മോശെ മരുഭൂമിയിൽ സർപ്പത്തെ ഉയർത്തിയതു പോലെ മനുഷ്യപുത്രനെയും ഉയർത്തേണ്ടതാകുന്നു എന്ന് നമ്മുടെ കർത്താവ് പറഞ്ഞപ്പോൾ, നമ്മുടെ കർത്താവ് വെള്ളത്തിന്‍റെയും ആത്മാവിന്‍റെയും സുവിശേഷത്തെക്കുറിച്ചാണ് സംസാരിച്ചിരുന്നത്. നിവൃത്തിയായി! എന്ന് പറഞ്ഞതിന് ശേഷം നമ്മുടെ കർത്താവ് മരിച്ചു. (യോഹന്നാൻ 19:30) ക്രൂശിക്കപ്പെടാനും ഭൂമിയിൽ നിന്ന് ഉയർത്തപ്പെടാനും വേണ്ടി നമ്മുടെ കർത്താവ് ലോകത്തിന്‍റെ പാപങ്ങൾ സ്വയം ഏറ്റെടുത്തതാണ് ഇതിനു കാരണം. പാപമില്ലാത്ത ആർക്കും ശാപത്തിന്‍റെ മരക്കുരിശിൽ തൂങ്ങിക്കിടക്കാ നാവില്ല. അതുകൊണ്ടാണ് കുരിശിൽ തൂങ്ങിക്കിടക്കു ന്നതിന് മുമ്പ് യോഹന്നാൻ സ്നാപകന്‍റെ സ്നാനം സ്വീകരിച്ചുകൊണ്ട് നമ്മുടെ കർത്താവ് മനുഷ്യരാശി യുടെ എല്ലാ പാപങ്ങളും ഒരിക്കൽ എന്നെന്നേക്കുമായി ഏറ്റെടുത്തത്. അങ്ങനെ, യേശുവിനെ തങ്ങളുടെ രക്ഷകനായി വിശ്വസിക്കുന്ന ആളുകൾ വെള്ളത്തിലും ആത്മാവിലും വീണ്ടും ജനിക്കുന്നതിന് മനുഷ്യരാശി യുടെ എല്ലാ പാപങ്ങളുടെയും കൂലിയായി കുരിശിൽ രക്തം ചൊരിയുമാറ് അവൻ അത് ക്രമീകരിച്ചു. ഇപ്പോൾ, കർത്താവ് നിക്കോദേമോസിനെ തിരുവെഴുത്തിലൂടെ ഇക്കാര്യം പഠിപ്പിക്കുകയായിരുന്നു.

നിക്കോദേമോസിന് പഴയനിയമത്തിൽ നല്ല അറിവുണ്ടായിരുന്നതിനാൽ, യേശു അവനോട് പറഞ്ഞു, മോശെ മരുഭൂമിയിൽ സർപ്പത്തെ ഉയർത്തിയതുപോലെ മനുഷ്യപുത്രനെയും ഉയർത്തേണ്ടതാകുന്നു. അവനിൽ വിശ്വസിക്കുന്ന ഏവനും നിത്യജീവൻ പ്രാപിക്കേണ്ടതിന് തന്നേ. യോഹന്നാൻ സ്നാപകനിൽ നിന്ന് സ്നാനം ഏറ്റുവാങ്ങിയും കുരിശിൽ മരിച്ചതിലൂടെയും താൻ സകല മനുഷ്യരെയും രക്ഷിച്ചുവെന്ന് ഈ ഭാഗത്തിലൂടെ യേശു അവനോട് പറയുകയായിരുന്നു. മറ്റൊരു വിധത്തിൽ പറഞ്ഞാൽ, വെള്ളത്തിന്‍റെയും ആത്മാവി ന്‍റെയും സുവിശേഷം മുഖേനയുള്ള രക്ഷയെക്കുറിച്ചാണ് യേശു കൃത്യമായി സംസാരിച്ചത്, നിക്കോദേമോസ് അത് മനസ്സിലാക്കി.

സംഖ്യാപുസ്തകം 21-മത്തെ അധ്യായത്തിലെ അഗ്നിസർപ്പങ്ങളെക്കുറിച്ചുള്ള വിവരണം ഇപ്രകാരമാണ്: മരുഭൂമിയിൽ ജീവിതം നയിക്കുന്ന യിസ്രായേൽ ജനം വഴിയിൽ വളരെ നിരുത്സാഹപ്പെട്ടു, അതിനാൽ, പരുക്കനും ദുഷ്‌കരവുമായ വഴി നിമിത്തം അവർ യഹോവയാം