خللي بالك من كلامك

By د.أمل عبد الفتاح

الكتاب ده تجميعة من اشهر الجمل الدارجّة حاليا في لغتنا بالعامية في الشارع والبيت والشغل ...وتحليل وتفسير للي جوا الجمل دي وأزاي تمنع نفسك انك تستخدمها او تركب فلتر جواك ومتقبلهاش لو اتقالتلك. برضه في جمل حلوة وصافية وكلها حب وخير بتقولها من غير وعى منك وتركيز على قد ايه هيا جميلة وبتخلى اللي قصادك مبسوط.. هتكلم عليهم برضه وعلى كمية الطاقات الإيجابية اللى جواهم وأزاي نشجع نفسنا ونفتكر نستخدمهم كتير وخلينا فاكرين ان التدريب والتكرار بيثبّت العادات الجديدة يعنى واحدة واحدة ويوم بعد يوم تقدر تطور من مصطلحاتك اليومية وترفع من مستوى الوعى والثقافة وتختار اللي تحب تسمعه من غيرك وزى ما بقول لبنتي الكبيرة :للأسف منقدرش نمسك بوق أي حد بيدايقنا بكلماته ونمنعه من انه يقولها..نقدر بس نخليها متأثرش علينا. وعيك بس بإن الجملة اللي مش كويسة اللي اتقالتلك دي مش بتعبر عن حقيقتك وأصلك الجميل اللي انت عارفه.. بنفسك .. تقدر تفلتّرها وتخرج من الودن التانية من غير ما تسيب أثر في عقلك الباطن. أنوى لكم ان الكتاب ده يساعد في تغير المصطلحات اليومية اللي بنستخدمها او نستقبلها عشان نستمتع بحياتنا وسلامنا الداخلى.

• Language: العربية
• Publisher: tevoi
• Release date: Jan 7, 2023

Book preview

Amal Abdel Fattah 2022 ©

خللي بالك ..

من كلامك

د.أمل عبد الفتاح

تصميم الغلاف

د.أمل عبد الفتاح

اهداء

لكل شخص حساس ومتعاطف من كلام الغير

واللى هيا ترجمة

Empath

...لكل شخص بيحب يهزر كتير بدون اهتمام من اللى بيقوله

ولبناتى كمان ...اهداء الكتاب

مقدمة

كتير بيتقالّنا كلام واحنا في حياتنا اليومية

بيدخل جوانا ويسيب أثر في نفسيتنا ...أو العكس ..ممكن تكون متعود تقول جمل لأصحابك او زمايلك ومتعرفش انها مشحونة طاقة سلبية ودمرت نفسية اللي سمعها حتى لو بعدين في المستقبل وحتى كمان اللي سمعها ممكن مكنش عارف تأثيرها عليه ..بس بتكون وصلت للعقل اللاواعي واستقرت فيه ومع الوقت تخليك مقتنع بمضمونها ونتيجة لده .. حياتك هتكون انعكاس للي انت مصدقه.

او صدقته غصب عن عنك ...أو عشان معملتش فلتر لودانك ولسانك وتخلى دماغك ووعيك ميدخلّوش الا الكلمات الراقية الجميلة ولا يطلع منك الا الكلام الحلو الإيجابي.  عن ابن عباسٍ رضي اللَّهُ عنهما: أَنَّ رَسُولَ اللَّهِ صَلَّى اللهُ عَلَيْهِ وَسَلَّمَ دَخَلَ عَلَى رَجُلٍ يَعُودُهُ، فَقَالَ:  لاَ بَأْسَ طَهُورٌ إِنْ شَاءَ اللَّه ، فَقَالَ: كَلَّا، بَلْ حُمَّى تَفُورُ، عَلَى شَيْخٍ كَبِيرٍ، كَيْمَا تُزِيرَهُ القُبُورَ ، قَالَ النَّبِيُّ صَلَّى اللهُ عَلَيْهِ وَسَلَّمَ :  فَنَعَمْ إِذًا  .

يعنى أي حاجة بتقولها وبتبقى مصدق أنها هتحصلّك بتحصلّك. وفي بعض الآثار: البلاء موكل بالقول.                          الكتاب ده تجميعة من اشهر الجمل الدارجّة حاليا في لغتنا بالعامية في الشارع والبيت والشغل ...وتحليل وتفسير للي جوا الجمل دي

وأزاي تمنع نفسك انك تستخدمها او تركب فلتر جواك ومتقبلهاش لو اتقالتلك.

برضه في جمل حلوة وصافية وكلها حب وخير بتقولها من غير وعى منك وتركيز على قد ايه هيا جميلة وبتخلى اللي قصادك مبسوط..

هتكلم عليهم برضه وعلى  كمية الطاقات الإيجابية اللى جواهم وأزاي نشجع نفسنا ونفتكر نستخدمهم كتير

وخلينا فاكرين ان التدريب