Cyfres Annalisa: Annalisa Swyn yn Mynd i'r Ysgol

By Harriet Muncaster

Half vampire, half fairy, totally unique! Isadora Moon is special because she is different. Her mum is a fairy and her dad is a vampire and Isadora is a bit of both. She loves the night, bats, and the colour black, but she also loves the outdoors, using her magic wand, and the colour pink. When it's time for Isadora to start school she's not sure where she belongs.

• Language: Cymraeg
• Publisher: Rily
• Release date: Sep 17, 2021
• ISBN: 9781849678759

Book preview

Dyma fi – Annalisa Swyn! Mae Bwni Binc a fi’n cael lot fawr o hwyl gyda’n gilydd.

Enw Mam yw’r Iarlles Ceinwen Swyn. Mae hi’n dylwythen deg. Ydy, wir yr! Mae hi wrth ei bodd yn garddio, nofio yn yr afon, a chysgu o dan y sêr.

Yr Iarll Caleb Swyn yw enw Dad. Fampir yw e. Ie, wir yr! Mae e wrth ei fodd yn aros ar ei draed drwy’r nos, bwyta bwyd coch yn unig (tomatos – ych!), syllu ar awyr y nos drwy ei delesgop arbennig, a hedfan o flaen y lleuad lawn.

Aelod olaf y teulu yw Babi Blodyn, fy chwaer fach. Mae hi’n hanner tylwythen deg, hanner fampir – yn union fel fi! Mae hi’n hoffi cysgu, chwerthin, ac yfed llaeth pinc.

Mae Bwni Binc a fi’n gwneud popeth gyda’n gilydd. Am mai Bwni oedd fy hoff degan, defnyddiodd Mam hud a lledrith i’w gwneud hi’n fyw.

A dyma’n cartref ni! Fy stafell wely i yw’r un ar ben y tŵr uchaf un. Dwi’n gallu gweld y dre i gyd drwy’r ffenest. Dyw Bwni Binc ddim yn cael edrych drwy’r ffenest – rhag ofn iddi neidio drwyddi.

Mae hi’n credu ei bod yn gallu hedfan, fel fi.

Ond dyw hi ddim.

Bob bore, dwi’n gwylio’r plant bach yn cerdded i lawr y ffordd i’r ysgol. Mae pawb yn gwisgo dillad od a thei streipiog.

Ac er bod y plant yn edrych yn gyfeillgar iawn …

Ac yn edrych fel petaen nhw’n cael hwyl …

Dwi’n falch ’mod i’n hanner tylwythen deg a hanner fampir, oherwydd dy’n ni ddim yn gorfod mynd i’r ysgol.

Neu dyna o’n i’n feddwl …

Neithiwr, ro’n i wrthi’n ymarfer triciau yn fy stafell wely pan glywais Dad yn galw arna i.

‘Annalisa!’ meddai. ‘Amser brecwast!’

Oherwydd bod Dad yn cysgu drwy’r dydd, mae e’n cael ei frecwast am saith o’r gloch y nos. Mae Mam yn bwyta’i brecwast yn y bore. Mae hynny’n golygu ’mod i’n cael dau frecwast – sy’n grêt,