As jy so na haar kyk, sal jy nooit raai dat sy jare lank ontuis in haar eie grootwordplek en haar vel gevoel het nie. Die gespot oor haar lengte en skraal lyf het haar by tye laat voel sy hoort nie, vertel Alex Jay (26).
Maar nou kan dié boorling van Atlantis buite Kaapstad die boelies lelik op hul plek sit as sy sou wou, want sy's deesdae ‘n pro kickboxer, jetsetter en gerekende stunt girl in aksieflieks saam met groot sterre. Sy was immers al Zendaya – ja, dié Zendaya – se stunt double in die fliek Dune 2. En dié Amerikaanse aktrise het Alex self as haar body double gekies.
Sy's ook ‘n social media influencer. Dit was juis ‘n video van Alex wat haar ding doen op die strand in