DIE H5N1-stam van die hoogs aansteeklike voëlgriep, wat al in Suid-Afrika uitbrekings onder voëls en kommersiële braaihoender- en lêhen-troppe veroorsaak het, is onlangs by melkkoeie in sekere deelstate van Amerika gevind. Melk SA, die oorkoepelende organisasie vir die melkbedryf, sê hy monitor die situasie daar met aandag.
In ’n inligtingstuk wat aan belanghebbendes in die bedryf gestuur is, sê dr. Mark Chimes, veeartsenykundige adviseur vir Melk SA, dat die H5N1-voëlgriepvirus in die algemeen nie goed aangepas is
