Die HAT (Verklarende Handwoordeboek van die Afrikaanse Taal) sê ’n spreekwoord is ’n kort, kernagtige gesegde, gewoonlik welbekend en oud, waarin ’n algemene waarheid of wyse les uitgedruk is.
Ek kry die idee, en hopelik is ek verkeerd, dat kinders nie juis meer met spreekwoorde groot-word nie. Dis jammer, want spreekwoorde is mooi. “Ek koop nie meer groen piesangs nie,” sê my buurman nou die dag. Wat ’n juweel – ek salueer jou as jy daardie een ken!
Maar neem nou ’n kat of katte as voorbeeld. Anton Prinsloo se kom, lys 37 spreekwoorde alleen oor katte! In die Noorse kultuur, sê hy, het hulle geglo dat die gedrag van katte en honde die weer voorspel. Hulle was blykbaar simbole van wind en weer. As ’n kat met sy rug na die vuur toe sit, kom ’n storm aan. As hy sy gesig was, kom dit reën. As die kat ook nog met ’n krulstert spring, kan ’n mens maar jou reënmeter uit-hang. Dieselfde
