“Daar gaat hy, meneer! Skiet hom, skiet hom!” Bethuel kon sy opgewondenheid nie beteuel nie... Ek was “meneer”. Ek was nie baie gemaklik met die meneerbesigheid nie, bietjie té formeel na my sin. Ons het tog almal die grootbase “baas” genoem: “Kom nou, manne, maak die plek skoon, die baas kom kuier.” Maar ons het nooit onder mekaar op die plaas so gepraat nie. Tot eendag, ’n hele paar jaar nadat ek daar begin werk het, toe hulle my klaar geweeg en “swaar” genoeg bevind het. Toe word ek “oubaas”. Dalk het my wit baard ook gehelp, soos nou die dag in die noorde van Namibië toe hulle my uit ’n lang OTM-tou geroep het om voor te kom staan. Oumense, sê hulle, mag voor kom staan.
Ek probeer vir Bethuel verduidelik dis nie hoe ons dit doen nie. Ons skiet nie taren-tale op die grond nie. Bethuel was die eerste swart man wat ooit enige
