OM OUBOK TE EER
“Ek hét hom, Pa! Ek hét vir Oubok!” Ek kan die onderdrukte opgewondenheid in my seun se stem hoor. “Ek gaan hom nou twintig minute gee voordat ek hom gaan soek.” Hy het sy leeswerk mooi gedoen. Laat die bok koud en styf word van sy wond voor jy hom dalk skrikmaak deur te vinnig op te volg en te ver die bosse in te jaag. Miskien vrek hy sommer nét daar.
Ek vra uit. Die pyl is dwarsdeur, vertel hy, hy kon sien hoe hang dit aan die anderkant uit, die bloed het geloop, hy was so naby, hy kon alles sien.
Die takbok is sy eerste bok met pyl en boog. Hy soek hom nou al maande lank. Te voet, hy wou dit “reg” doen. Niks se gevoorsittery langs watergate en voerplekke nie. Bekruip. Ek bewonder sy deursettingsvermoë, sy etiek. Belewe saam sy moedeloosheid as Oubok weer weggekom het. “Success consists of going from failureso vertel hy vir my, het Winston Chruchill gesê.
