ie skietkaptein (dink grondeienaar – en moenie dwarstrek nie, want jy wil graag weer genooi word) het honde oënskynlik nie mooi verstaan nie. Ook nie die interaksie tussen honde en wildemakoue nie, en nóg minder dat ’n springerspanjoel se agterstewe maar lekker kan woel. Die fênsie Britte vertel hulle spanjoele sit mooi rustig en wag asof hulle bloedfamilie van “optelhonde” is. Jammer, dis my woord vir apporteerhonde. Ek bedoel niks leliks of fieliesagtig daarmee nie. Wie praat in elk geval van “apporteer”? Hy het Polka snaaks begluur en ek moes maar die halsband uithaal.
