ELKE sprokiestroue het sy eie sprokiesverhaal. En waar Rika Nieuwoudt nou in die middel van ’n woud na die man van haar drome aangestap kom, het haar sprokiesverhaal eintlik maar pas begin.
Die aktrise en aanbieder van Toks & Tjops lyk vandag anders. Asemrowend, soos altyd, maar vandag as bruid.
Met haar hare losweg vasgebind, glimlag sy stralend waar sy ingehaak by haar pa, Pieter, verby die gaste loop. Haar oë bly op een mens, die lang en aantreklike strategiese finansiële analis Christian Calitz (31) – die prins in ons verhaal.
Maar hy is oorweldig deur emosie.
In sy donker pak met ’n enkele oranje orgidee in die knoopsgat, kyk hy met trane wat oor sy wange
