HANNAH van die Bybel het so intens vir die Here gebid dat net haar lippe beweeg het. In ’n tyd waar gebede hardop gesê word, word sy verkeerdelik geoordeel en bestraf. Tog word haar gebede verhoor en haar diepste begeerte word vervul.
Terwyl Hannah oor haar Bybelse naamgenoot lees, spoel trane oor haar wange. “Vader tog …” prewel sy. Waar begin ’n mens? Haar ma het altyd gesê as jy verlore voel en jy praat met die Here, dan sê jy net dankie. Die Here ken die res.
Hannah se sogenaamde sprokieslewe is deesdae net ’n tuimeltrein van emosies. Menopouse is nie vir sissies nie. Daar is geen uitkomkans nie. Dis die normale loop van ’n vrou se lewe. Hoe kan sy so lief wees vir haar man en die volgende oomblik wil sy hom met die vuis bydam? Die een ding wat sy geleer het, is om nie in te gee aan al die gedagtes wat by