SUV vir ’n boervrou 6
Die nommer-een-reël vir enige suksesvolle boerdery is dat die somme moet klop. As jy goeie opbrengs kan kry teen minder insetkoste, soveel te beter.
Dít is die waarde wat Mahindra die boer bied: ’n ware werkesel wat dag ná dag diens doen op die plaas en deur almal gery word – van die werker en die boer tot sy vrou, en selfs as hulle gou vir Ouboet wil stuur om te gaan kyk of die waterpomp aangeskakel het.
En dít alles teen ’n meer as bekostigbare prys. Daarom sal dit seker nie ’n wilde raaiskoot wees om te dink dat boere ’n groot bydrae gelewer het om Mahindra een van die snelgroeiendste motorhandelsmerke in die land te maak nie.
Dié Indiese motorvervaardiger het in 1996 vir die eerste keer die Suid-Afrikaanse mark betree. Sy voertuie se robuuste voorkoms en aanhouwerk-aansien het stil-stil diep in boere se harte gekruip. Dié
