KUL-YSKASMELKTERT
Lewer 6 mini-melkterte
BESTANDDELE
Kors
1 × 200 g-pakkie Tennis
biscuits, fyngekrummel
100 g botter, gesmelt
’n knippie sout
fyngerasperde skil van 1
suurlemoen
Vulsel
’n knippie fyn kaneel
½ koppie room, geklits
2 koppies klaarbereide custard
2 eetlepels gelatien, gespons in 3 eetlepels water
Afronding
fyn kaneel
METODE
Bespuit 6 klein tertvorms goed met kossproei.
Kors
■ Meng alles goed en druk in die pannetjies vas. Verkoel tot nodig.
Vulsel
■ Klits die kaneel en die helfte van die room by die custard in. Vou die res van die room liggies deur die mengsel.
■ Verhit die gelatien vir 10 sekondes in die microwave en meng vinnig deur die custardmengsel.
Afronding
■ Verdeel die mengsel tussen die tertkorse en laat vir 3 uur of oornag in die yskas stol. Haal die tertjies versigtig uit die vorms en versier met nog fyn kaneel.