WIE Etienne Hanekom
WAAR Kaapstad
#1 Prettig in pienk
Ligpienk (met ’n spatsel groen) is dalk nie die eerste kleure waaraan jy dink vir ’n nuwe kombuis nie, maar hierdie speelse skakerings is presies wat die eienaars wou hê in dié kombuis met sy moderne baadjie. Die binneontwerper Etienne Hanekom het kleur slim gebruik om die ruim vertrek ’n totale gedaantewisseling te laat ondergaan.
“Hierdie vertrek is jare gelede by die oorspronklike Victoriaanse huis uit die 1890’s aangebou. Dit was nie prakties nie, want dit het soos ’n lang gang gevoel,” verduidelik Etienne. Sy doel was om ’n oopplankuierkombuis te skep, kompleet met ’n gesellige vuurherd en eethoek.
“Ek glo regtig elke kombuis moet ’n vuurherd hê,” sê Etienne. “Hier het ons dit in die opening van die vorige stoof ingebou. Wat is dan nou lekkerder as om by die eiland te kook terwyl gaste om die vuur sit – almal is bymekaar. In die winter brand die vuur pal en as dit te koud en nat is buite, mag jy maar binne braai as dit moet.”
Die kleurkeuses
Naaswit is as neutrale kleur teen die
