WIE WOON HIER? Heike en Ivar Hayward en hul kroos, Indya (13), Luca (11), Levi (9), Beau (5) en Ariyah (3)
WAAR Paarl
GROOTTE 400 m²
Mooi goed laat haar hart bokspring. ‘‘Ek wil instap en vreugde vind in dit wat ek sien. My huis móét vir my pragtig en interessant wees,’’ sê die Paarlse bloemis en sakevrou Heike Hayward.
Terselfdertyd moet die holte vir haar voete smaak na gemak: ‘‘Lekker leef en lekker voel.” Gevolglik is die Haywards se asemrowende oase die ene kleur, patroon en tekstuur – enkele van die elemente wat hul erfenishuis in die Paarl ’n lus vir die oog en siel maak.
